
یاریگا –
ئەمڕۆ ناوی براوەکانی خەڵاتی باشترینەکانی پرێمەرلیگ بۆ مانگی مارس ئاشکراکران کە مانگانە دەدرێت بە باشترین راهێنەر و یاریزان.
نونۆ سانتۆی راهێنەر بەردەوامە لە ئاستە سەرسوڕهێنەرەکەی لەگەڵ یانەی نۆتینگهام لەم وەرزە و مانگی رابردووش بۆ ئەو راهێنەرە پۆرتوگالییە تایبەت بوو کاتێک توانی لە هەردوو یاریی مانگەکەدا بەرامبەر مان سیتی هەڵگری نازاناوەکە 1-0 و هەروەها بەرامبەر ئیپسویچ تاون 4-2 براوەبێت. کە بەو شەش خاڵە لەو مانگەدا هەنگاوێکی دیکە لە گەشتن بە چامپیۆنزلیگی وەرزی داهاتوو نزیکترببنەوە.
ئەوە جاری سێیەمە لەم وەرزە و حەوتەم بوو لە کاروانی راهێنەرایەتیکردنیدا لە خولی ئینگلیزیی، سانتۆ خەڵاتەکەی پێ بدرێت.
🏅🌳 Nuno Espirito Santo here with the Manager of the Month Award for March.
Fantastic job at Nottingham Forest so far. pic.twitter.com/XGyipHLlhd
— Fabrizio Romano (@FabrizioRomano) April 4, 2025
لەسەر ئاستی یاریزانیش، بڕونۆ فێرناندێشی ئەستێرە مانچێستەر یونایتد براوەی خەڵاتەکە بوو.
سەرباری ئاستە خراپەکەی یانەکەی لەم وەرزە، ناوەڕاستکارە پۆرتوگالییەکە بەردەوامە لە پیشاندانی ئاست. مانگی رابردووش بەشداریی هەر چوار گۆڵەکەی مان یونایتدی کرد. بە تۆمارکردنی گۆڵێک لە دژی ئارسیناڵ کە 1-1 کۆتایی هات. هەروەها گۆڵێک و 2 ئەسێست لە بردنەوە گەورەکەیان 3-0 لە لێیستەر سیتی.
Bruno brilliance 💫
Bruno Fernandes is the @EASPORTSFC Player of the Month for March!#PLAwards pic.twitter.com/ew4f8SS9VU
— Premier League (@premierleague) April 4, 2025
ئەوە جاری پێنجەم بوو لەوەتەی هاتنی بۆ پرێمەرلیگ بڕونۆ وەک باشترین مانگ دەستنیشان بکرێت. بەوەش تەنها ناوە دیارەکانی وەک کریستیانۆ رۆناڵدۆ، محەمەد سەڵاح، سێرخیۆ ئەگوێرۆ، هاری کەین و ستیڤن جێراردی لە پێش ماوە کە لەو یاریسازە پۆرتوگالییە زیاتریان بردووەتەوە.