بایرن میونشن دەچێتە کێبڕکێی بەدەستهێنانی یاریزانە دڵخوازەکەی ریال مەدرید
باڤارییەکان چاویان لەسەر جێنشینی سێرجیۆ رامۆسە

یاریگا –
بۆ گواستنەوەی دین هیوسن، بایرن میونشن ململانێی ریال مەدرید، لیڤەرپوول و چێڵسی دەکات.
رۆژنامەنووسی رۆژنامەی بیڵد، کریستیان فاڵک بڵاویکردووەتەوە، بایرن میونشن دەیەوێت لە مێرکاتۆی هاوینە ئۆفەرێک بۆ گواستنەوەی دین هیوسنی ئیسپانی و بەرگریکاری یانەی بۆرنمسی ئینگلیزی پێشکەش بکات.
ریال مەدرید ماوەیەکی زۆرە چاوی لەسەر بەرگریکارە لاوەکەیە، ئامادەیە بڕی 46 ملیۆن پاوەند بۆ گواستنەوەی هیوسن خەرج بکات، کە مانگی رابردوو یەکەم یاریی نێودەوڵەتی خۆی لەگەڵ هەڵبژاردەی ئیسپانیا کرد.
لەلایەکی دیکەوە، چێڵسی هەوڵی تەواوی بۆ گواستنەوەی بەرگریکارەکە داوە، لیڤەرپوولیش چاوی لەسەرییەتی، بەڵام پێناچێت بۆرنمس بە کەمتر لە 55 ملیۆن پاوەند، رێگە بە چوونە دەرەوەی یاریزانەکە بدات.
بەگوێرەی زانیارییەکانی رۆژنامەنووسە ئەڵمانیەکە، باڤارییەکان ئێستا کار لەسەر نوێکردنەوەی گرێبەستی ئۆپامیکانۆی فەڕەنسی و ئێریک دایەری ئینگلیزی دەکەن. دەیانەوێت هیوسنیش بۆ هێڵی بەرگری تیپەکە زیاد بکەن.
بەڵام کێبڕکێی گواستنەوەی یاریزانە 19 ساڵانییەکە بۆ یانەکانی دیکە سەختە، چونکە هیوسن خەون بە پۆشنینی درێسی ریال مەدرید دەبینێت و چەند جارێک دڵخۆشی خۆی بە گرنگیپێدانەکانی ریال مەدرید دەربڕیووە.
لەم وەرزەدا، کەتیبەکەی کارلۆ ئانچێلۆتی، کێشەی زۆری لە هێڵی بەرگری بۆ دروستبوو، جیا لە زۆربوونی پێکانەکان، تەمەنی ئانتۆنیۆ رودیگەر و دەیڤد ئالابا گەیشتووەتە 32 ساڵ و ریال مەدرید پێویستی بە نوێکردنەوەی هێڵی بەرگرییە. ئامانجی ئەوەی لە هاوینی داهاتوودا، هیوسن و ترێنت ئالێکساندەر ئارنۆڵد، بەرگریکاری باڵی راستی لیڤەپروول بگوازێتەوە.
True✅ FC Bayern have central defender Dean Huijsen (19) from Bournemouth on the list
❇️ contract until 2030
❇️ release clause of €60m
❇️ Real Madrid are also interested https://t.co/NVbCGmIy8m— Christian Falk (@cfbayern) April 4, 2025