یاریگا –
ئەمشەو بە ئامانجی وەرگرتنی ریزبەندی یەکەمی یانەکانی خولی ئەستێرەکانی عێراق، زاخۆ میوانداری شوڕتە دەکات.
لە گەڕی 26ـی خولی ئەستێرەکانی عێراق، زاخۆ کاتژمێر 9ـی شەو لە یاریگای خۆی میوانداری شوڕتە دەکات، لە ئەگەری سەرکەوتنی زاخۆ لەم یارییە ریزبەندی یەکەمی یانەکان وەردەگرێت، سەرجەم یاریزانەکانی زاخۆ بۆ یارییەکە ئامادەن و ئەحمەد ئیبراهیمی بەرگریکاریش ئەمشەو دەگەڕێتەوە پێکهاتەی سەرەکی تیپەکەی.
زاخۆ و شوڕتە 24 یاریی فەرمیان بەرامبەر یەکتر کردووە، لە چوار یارییدا براوەبووە و شوڕتەش لە 14 یارییدا سەرکەوتنی بەدەست هێناوە و لە حەفت یارییشدا یەکسان بوونە، دوو جاریش شوڕتە لە جامی عێراق زاخۆی لە پاڵەوانێتیەکە دوورخستۆتەوە کە لە وەرزەکانی 2001 و 2024 بووە، زاخۆ 16 گۆڵی تۆمارکردووە و شوڕتە 35 گۆڵی کردووە.
بەهۆی سەرکەوتنی دهۆک بەرامبەر زەوڕا، لە ئەگەری سەرکەوتنی زاخۆ لە یارییەکەی ئەمڕۆ راستەوخۆ ریزبەندی یەکەمی یانەکان وەردەگرێت، زاخۆ ئێستا 49 خاڵی هەیە لە ریزبەندی سێیەمە و شوڕتەش بە 50 خاڵ لە ریزبەندی دووەم دێت و دوو یاریی دواخراویشی هەیە، لە گەڕی داهاتوو زاخۆ دەبێتە میوانی کەربەلا پێش ئەوەی لە یاریگای خۆی لە جامی عێراق رووبەرووی نەورۆز ببێتەوە.؟
