ئینگلتەرابازاڕی گواستنه‌وه‌گرنگترین

تەواو؛ محەمەد سەڵاح گرێبەستەکەی لەگەڵ لیڤەرپوول نوێدکاتەوە

پاشای پرێمەرلیگ دەمێنێتەوە...

Yariga App

یاریگا –

لە کۆتاییدا محەمەد سەڵاح واژۆی مانەوە بۆ لیڤەرپوول دەکات و گرێبەستەکەی نوێدەکاتەوە.

ماڵپەڕی ئێل ناسیۆنال بڵاویکردووەتەوە، پاش گفتوگۆیەکەی چڕ محەمەد سەڵاح لەگەڵ لیڤەرپوول گەیشتووەتە رێککەوتن و بەشێوەیەکی کرداری گرێبەستەکەی نوێکردووەتەوە، هەموو شتێک یەکلایی بووەتەوە و سەڵاح لە لیڤەرپوول دەمێنێتەوە.

بەگوێرەی زانیارییەکانی هەمان سەرچاوە، یانە ئینگلیزییەکە سەرجەم خواستە داراییەکانی ئەستێرە میسڕییەکەی بەدیهێناوە و مووچەی دڵخوازی خۆی پێدەدرێت، بۆیە سەڵاح بە کردارانە گرێبەستەکەی نوێکردووەتەوە.

هاوکات ماڵپەڕی تیم تۆکی بەریتانی زانیارییەکانی پشتڕاستکردووەتەوە و ئاشکرایکردووە هێرشبەرە 32 ساڵانییەکەی بۆ نوێکردنەوەی گرێبەستەکەی لەگەڵ لیڤەرپوول رێککەوتووە.

سەڵاح لە هاوینی 2017 بە بڕی 42 ملیۆن یۆرۆ لە رۆمای ئیتاڵییەوە پەیوەندی بە لیڤەرپوول کرد. لەگەڵ رێدز لە سەرجەم پاڵەوانێتییەکان بەشداریی 393 یاریی کردووە، 243 گۆڵی کردووە و 110 گۆڵی دروستکردووە.

نازناوێکی چامپیۆنزلیگ، نازناوێکی پرێمەرلیگ، نازناوێکی جامی جیهانی یانەکان، نازناوێکی جامی سوپەری ئەوروپا، دوو نازناوی خولی ئینگڵتەڕا، نازناوێکی جامی یەکێتی ئینگڵتەڕا و نازناوێکی قەڵغانی ئینگڵتەڕای لەگەڵ یانەکە بەدەستهێناوە.

بابەتی زیاتر

Back to top button