دوایین پەرەسەندن؛ چیرۆکی نێوان ئاتلێتیکۆ مەدرید و چوار یاریزان کۆتایی دێت
رۆخی بلانکۆس خۆی بۆ گرێبەستی نوێ ئامادە دەکات
یاریگا –
دوای نۆ وەرز چیرۆکی نێوان ئانتوان گریزمان و ئاتلێتیکۆ مەدرید کۆتایی دێت و ئەستێرە فەڕەنسییەکە لە جێهێشتنی یانەکە نزیکە.
تۆڕی ریلێڤۆ بڵاویکردووەتەوە، ئاتلێتیکۆ مەدرید بۆ نوێکردنەوەی گرێبەستی گریزمان ئۆفەرێکی بۆ ماوەی ساڵێک بە هەمان مووچەی ئێستا پێشکەش کردووە، بەڵام ئەستێرە فەڕەنسییەکە ئۆفەرەکەی رەتکردووەتەوە و داوای مووچەی زیاتر دەکات.
گرێبەستەکەی گریزۆ لە هاوینی 2026 لەگەڵ رۆخی بلانکۆس کۆتایی دێت، بەگوێرەی زانیارییەکانی تۆڕە ئیسپانییەکە، ئێستا گریزمان لە جێهێشتنی مەدرید نزیکترە تاوەکو لە مانەوەی.
El Atlético ya sondea el mercado para hacerse con 1-2 nuevos delanteros para la próxima temporada.
El futuro de Azpilicueta, Reinildo, Lemar, Griezmann y Correa está en el aire.https://t.co/Tz2RbLGAqa
— Matteo Moretto (@MatteMoretto) April 4, 2025
هەمان سەرچاوە ئاماژەی بەوەش کردووە، لۆس ئانجلسی ئەمریکی لەگەڵ هێرشبەرە 34 ساڵانییەکە لە گفتوگۆدایە، هێشتا نەگەیشتوونەتە رێککەوتنی کۆتایی، بەڵام ئەمریکییەکان لەسەر گواستنەوەی گریزۆ رژدن و هەوڵەکانیان چڕکردووەتەوە.
لەلایەکی دیکە یانە مەدریدییەکە پلانی بۆ بەهێزکردنی هێڵی بەرگری داڕشتووە و لە هاوینی داهاتوو دوو بەرگریکاری نوێ دەگوازێتەوە. چونکە پێدەچێت ئەم وەرزە کۆتا وەرزی سیزار ئازپلیکوێتا بێت لەگەڵ یانەکە.
کریستیان رۆمێرۆی بەرگریکاری تۆتنهام لە پێشینەی کارەکانی دیێگۆ سیمیۆنی ئەرجەنتینییە، بەڵام گواستنەوەی ئاسان نابێت چونکە تاوەکو 2027 گرێبەستی لەگەڵ سپێرز هەیە و لەندەنییەکان نیازیان نییە دەستبەرداری ببن. بەڵام ئاتلێتی ماوەیەکە بەهێمنی کار لەسەر گرێبەستەکە دەکات و لەوبڕوایەدان دەتوانن بەدەستیبهێنن.
لەلایەکی دیکە لە هاوینی داهاتوو گرێبەستی رنێلدۆ مانداڤای مۆزەمبیقی لەگەڵ یانەکە بەسەردەچێت و تاوکو ئێستا بۆ نوێکردنەوەی نەگەیشتوونەتە رێککەوتن، بۆیە بە ئەگەرێکی زۆر چیرۆکی نێوان یانەکە و ئەو یاریزانەش کۆتایی هاتووە، بۆیە لە ئێستاوە بیر لە گواستنەوەی بەرگریکارێکی نوێی باڵی چەپ دەکەنەوە.
ئانخێل کۆریاش یەکێکی دیکەیە لەو یاریزانانەی گومان لەسەر داهاتووی هەیە، رێلێڤۆ بەدووری نازانێت گرێبەستەکەی نوێبکاتەوە، بەڵام بیر لە ئۆفەرەکانی ئەم هاوینەش دەکاتەوە و دواتر بڕیاری کۆتایی دەدات. ئاتلێتیکۆ پلانی بۆ رۆیشتنی ئەویش داڕشتووە و خۆی بۆ گواستنەوەی دوو هێرشبەری نوێ ئامادە کردووە.
بۆیە رەنگە لە هاوینی داهاتوو چیرۆکی ئانتوان گریزمان، رنێلدۆ مانداڤا، سیزار ئازپلیکوێتا و ئانخێل کۆرییا لەگەڵ ئاتلێتیکۆ مەدرید کۆتایی بێت.
