یاریگا –
بیرۆکەیەکی نوێ دەبێتە هەوێنی ناکۆکی نێوان یوێفا و فیفا، بەجۆرێک ئەلیکساندەر جێفێرینی سەرۆکی یوێفا بە فەرمی دژایەتی خۆی بۆ بیرۆکەکە راگەیاند.
مانگی رابردوو یەکێتی تۆپی پێی جیهان ناسراو بە فیفا، لە کۆبوونەوەی ئاسایی ئەنجوومەنەکەیاندا بیرۆکەی زیاترکردنی هەڵبژاردە بەشداربووەکان بۆ مۆندیالی 2030 بۆ 64 هەڵبژاردە لەلایەن ئیگناچیۆ ئاڵۆنسۆی سەرۆکی یەکێتی تۆپی پێی ئۆروگوای بەرزکرایەوە. دواتریش فیفا رایگەیاند کە بیرۆکەکە شایەنی هەڵسەنگاندنە.
ئەمڕۆ جێفێرینی سەرۆکی یەکێتی تۆپی پێی ئەوروپا ناسراو بە یوێفا، بە فەرمی قسەی لەسەر بابەتەکرد و رەتیکردەوە ئەوان ئاگەدارکرابێتنەوە لە وەها پێشنیازێک.
لە کۆبوونەوەی ساڵانەی خۆیاندا لە بەلگرادی پایتەختی سڕبیا، سەرۆکەکەی یوێفا وتی
ئەو بیرۆکەیەی کە پێشنیازکراوە، تەنانەت بۆ ئێوەش جێی سەرسوڕمانە. پێموایە نە بۆ خودی مۆندیال، نە بۆ تیمە بەشداربووەکانی ئێمەش باش نییە. بۆیە من پشتگیری ناکەم. ناشزانم لە کوێوە هاتووە، بەڵام زۆریش سەیرە کە ئێمە لە ئەنجوومەنی فیفا هیچ شتێکما دەربارەی پێشنیازەکە نەزانیوە.
UEFA president Aleksander Čeferin said a push to expand the men’s 2030 FIFA World Cup is “a bad idea.”
Adding 16 more teams to the 48-team lineup that will debut next year in North America appears to have support from FIFA president Gianni Infantino, who typically backs… pic.twitter.com/fjHmRCC1lJ
— ESPN FC (@ESPNFC) April 3, 2025
کیشوەری ئەوروپا بۆ مۆندیالی 2026 کە ساڵی داهاتوو بە بەشداریی 48 هەڵبژاردە لە ئەمریکا، کەنەدا و مەکسیک بەڕێوەدەچێت، 16 نوێنەری کێبڕکێ لەسەر جامەکە دەکەن.
هەرچی مۆندیالی 2030ی ئیسپانیا، پۆرتوگال و مەغریبە، چاوەروان دەکرێت ژمارەی هەڵبژاردەکان لەوەی ساڵی داهاتوو زیاتریش بکرێن و خودی جیانی ئینفانتینۆی سەرۆکی فیفاش پشتگیریی دەکات لەپێناو داهاتی زیاتر و زیاتر بە جیهانیکردنی پاڵەوانێتیەکە.
