ئیسپانیاگرنگترین

سزایەکی ئێجگار قورس چاوەڕێی ئانچێلۆتی دەکات

Yariga App

یاریگا –

جارێکیتر کێشەی یاسایی بەرۆکی کارلۆ ئانچێلۆتی دەگرێتەوە و ئەمجارە باس لە سزایەکی ئێجگار قورس دەکرێت.

کێشەی ئانچێلۆتی پەیوەستە بە بابەتی خۆدزینەوە لە باج و دەگەڕێتەوە بۆ 2013-2015 لە یەکەم ئەزموونی راهێنەرە ئیتاڵییەکە لەگەڵ ریال مەدرید لەو ماوەیەدا.

ڤەگوێرەی زانیاریی سەرچاوە باوەڕپێکراوەکان و لەنێویشیاندا گاردیانی بەریتانی، داواکاری گشتیی لە ئیسپانیا داوای سزای 4 ساڵ و 9 مانگ زیندانیکردنی کارلۆ دەکەن بە تۆمەتی خۆدیزنەوە لە پێدانی باجەکانی سەری لەو ماوەیەی لەسەرەوە ئاماژەی پێکرا.

لە کۆتا دانیشتنی دادگاییەکەیدا کە چوارشەممەی رابردوو بەڕێوەچوو، راهێنەرە 65 ساڵییەکە تەواوی تۆمەتەکانی سەری رەتکردووەتەوە و بەڵگەی خستووەتەڕوو ئەوەی کردوویەتی بەگوێرەی سروشتی سیستەمەکە یاسا بەرکارەکان بووە کە یاریزانەکانی ئەوکاتیش هەروایان کردبوو.

سەرباری قورسبوونی تۆمەتەکان، ئانچێلۆتی و کوڕەکەی وەک راهێنەر و یاریدەر بەردەوامن لە بەڕێکردنی کارەکانیان لە ریال.

لە نوێترین پێشهاتیشدا دەربارەی پۆستەکەی، لەلایەن فلۆرێنتینۆ پێرێز دڵنیایی پێدراوە کە ئەوان هێشتا متمانەیان پێیەتی.

 

بابەتی زیاتر

Back to top button