یاریگا –
دوای دەست لەکارکێشانەوەی سەمیر بابۆ لە ئەرکی راهێنەرایەتی هەولێر، یاریزانێکی پێشووی یانەی هەولێر شوێنی بابۆ دەگرێتەوە.
لە گەڕی 26ـی خولی ئەستێرەکانی عێراق، هەولێر لە یاریگای خۆی بە ئەنجامی 1-0 بەرامبەر قاسم دۆڕا، دوای یارییەکە سەمیر بابۆ بەفەرمی دەستی لەکارکێشایەوە و وازهێنانی خۆی لە تیپەکە راگەیاند.
تۆڕی وەرزشی یاریگا زانیویەتی، هەولێر پەیوەندی بە ئەحمەد سەڵاح کردووە بۆ ئەوەی ئەرکی تیپەکە وەربگرێت و حوسێن عەبدولواحیدیش وەک یاریدەدەری راهێنەر دەستبەکاربێت.
ئەحمەد سەڵاح ئۆکەی بۆ بەرپرسانی یانەکە کردووە و رەنگە لە چەند کاتژمێری داهاتوو تاوەکو کۆتایێ وەرز بە فەرمی ئەرکەکە وەربگرێت.
شکستەکەی ئەمڕۆی هەولێر چوارەم شکستی بەدوای یەک بوو لە خولی ئەستێرەکانی عێراق، هەولێر بە 32 خاڵ لە ریزبەندی 14ـەی خولی ئەستێرەکانی عێراق دێت.
