ئەنجومەنی باڵای وەرزش وەڵامی بەیاننامەكەی لالیگا دەداتەوە

یاریگا –

ئەنجومەنی باڵای وەرزش CSD وەڵامی بەیاننامە و تانەكەی لالیگا دەربارەی تۆماركردنی ناوی دانی ئۆلمۆ و پاو ڤیكتۆر دەداتەوە.

دوێنێ لالیگا بەیاننامەیەکی لەسەر دۆخی ئێستای بارسێلۆنا بڵاوکردووەتەوە و نووسیویەتی

بارسێلۆنا گۆڕنکاری گەورەی لە ئاستی گشتی مووچەی یاریزاناندا کردووە، بەڵام فرۆشتنی کورسییەکانی VIP یاریگای کامپ نو بەبڕی 100 ملیۆن یۆرۆ لە تۆمارەکانی دارایی یانەکەدا نین و بەمەش پابەندی خۆی بۆ تۆمارکردنی ناوی دانی ئۆلمۆ و پاو ڤیکتۆر پێشێلکردووە.

هەر زوو دوای بەیاننامەكەی لالیگا خوان لاپۆرتای سەرۆكی بارسێلۆنا وەڵامی بەیاننامەكەی دایەوە:

وەڵامی لالیگا و تێباس دەدەینەوە، ئەوان دەیانەوێت هێرشبكەنە سەر بەرژەوەندییەكانمان، سەرەتا رەزامەندییان لەسەر تۆماركردنی ناوی دانی ئۆلمۆ و پاو ڤیكتۆر دا، ئێستا پەشیمان دەبنەوە، بۆچی؟ ئایا سەرەتا هەڵەیانكردووە كە رەزامەندییان دەربڕیوە؟.

ئەمەش هەوڵێكی دیكەیانە بۆ زیانگەیاندن بە بارسێلۆنا و وەڵامی بەهێزمان دەبێت، هەندێكجار هەستدەكەم ئەوە تەنیا رێكەوت نییە، چونكە ئەمڕۆ یارییەكی گرنگمان بەرامبەر ئاتلێتیكۆ هەیە، ئەوان هەوڵدەدەن بە رێگایەك لێمان ببەنەوە، لە یاریگادا ناتوانن، بۆیە لە ئۆفیسەكاندا هەوڵ دەدەن، منیش وەک سەرۆكی بارسێلۆنا رێگە بەوە نادەم.

كەمێک پێش ئێستا ئەنجومەنی باڵای وەرزش CSD وەڵامی تانەكەی لالیگای دایەوە و بڕیاری لە بەرژەوەندی بارسێلۆنا دەركرد و دانی ئۆلمۆ و پاو ڤیكتۆر بەردەوام دەبن.