یاریگا-
یاریگای ئاکرێ ئەمڕۆ یاریی لووتکەی خولی نایابی عێراق لە نێوان موسڵ و ئەمانەی بەغدا بە کۆمەڵێک یاریزانی کوردەوە لە خۆدەگرێت.
لە گەڕی 22ـی خولی نایابی عێڕاق، پێنج شەممە ( 3ـی نیسانی 2025 ) یاریی لووتکەی ئەم گەڕە لە نێوان موسڵ و ئەمانەی ئەمانەی بەغدا لە یاریگای ئاکرێ بەرێوەدەچێت، لە موسڵ هەریەک لە یاریزانانی کورد یونس عەبد و سۆران عەزیز و ئەمیر ئیسماعیل یاریی دەکەن، بۆ ئەمانەی بەغدا یاریزانان دیدار غازی و مەحمود شاکر و شەعبان مەحمود یاریی بۆ دەکەن، موسڵ 36 خاڵی هەیە لە ریزبەندی سێیەمە و ئەمانەی بەغدا بە 38 خاڵ لە ریزبەندی دووەمی خولەکە دێت.
گازی باکوور بەبێ ئەحمەد سەڵاحی ناوەراستکار و دانا مستەفای هێرشبەری میوانداری سەناعە دەکەن، هەر دوو ئەستێرە کوردەکە بەهۆی پێکانەوە ناتوانن لەم یارییە بەشداربن، دۆخی گازی باکوور باش نیە و بە 21 خاڵ لە ریزبەندی 19ـەم دێت کە ناوچەی دابەزینە بۆ ریزی پلەیەکی عێراق، سەناعەش بە 28 خاڵ لە ریزبەندی 10ـەم دێت.
پێشمەرگەی سلێمانی لە دەرەوەی یاریگای خۆی بەرامبەر کازمیە یاریی دەکات، پێشمەرگە حەفت یارییە لە خولەکە سەرکەوتنی تۆمار نەکردووە و بە 23 خاڵ لە ریزبەندی 16ـە دێت، دانا کامەرانی هێرشبەری تیپەکەش بەهۆی کێشەیەکی هونەریەوە گەشتی نەکردووە لەگەڵ تیپەکە و ئەمڕۆش بۆ یارییەکە ئامادە نابێت.
