یاریگا –
جۆزێ مۆرینیۆ و چیرۆکەکانی لە تورکای بەردەوامیی هەیە و جارێکیتر لە رووداوێکی پڕ لە گرژی و ئاڵۆزیدا بە هەڵسوکەوتێک چاوی مێدیاکانی نێوخۆی ئەو وڵاتە و جیهانیشی بەلای خۆیدا راکێشت.
شەوی رابردوو ئیستەنبوڵ دێربیەکی دیکەی ئەم وەرزەی بەخۆوە بینی کاتێک فەنەرباچێ و گاڵاتەسەرای لە میانی چارەکی کۆتایی جامی تورکیا رووبەڕووی یەکتربوونەوە.
فەنەرباچێ هەر لە خولەکی 10 گۆڵی یەکەمی لە رێگەی ڤیکتۆر ئۆسیمینەوە لێ تۆمارکرا، بەڵام دوای 17 خولەک کوڕانی مۆرینیۆ یەکسانیان کردەوە. پێش نیوەی یەکەمی یارییەکە جارێکیتر تیمەکەی ئۆکان بوروک گۆڵی پێشکەوتنیان تۆمارکردەوە و ئەنجامەکەش هەر بەو شێوەیە تەواوبوو.
یاریی نێوان ئەو دوو یانەیە بە هەستیارترین یاریی نێوان دوو یانەی تورکی دادەنرێت، هاتنی مۆرینیۆش هێندەیتر گەرمیی بەخشیوەتە کەشوهەوای رووبەڕوونەوەکانیان. بەجۆرێک، سەرەتای مانگی رابردوو بوو یەکێتی تۆپی ئەو وڵاتە راهێنەرە پۆرتوگالییەکەی بۆ 2 یاریی و، راهێنەرە تورکیەکەشی بۆ یارییەک سزا دا لەپای هەڵسوکەوتەکانی دوای یاریی نێوانیان کە 0-0 کۆتایی هات.
وردەکاریی رووداوەکانی ئەوکات لەگەڵ جۆری سزاکانیان لەم راپۆرتەی خوارەوەدا بخوێنەوە:
مۆرینیۆ له دادگا سكاڵا له‌سه‌ر گاڵاتاسه‌رای تۆمارده‌كات و سزاكه‌شی كه‌مكرایه‌وه – Yariga
لە یارییەکەی شەوی رابردووشدا و پێش فیکەی کۆتایی، سێ یاریزانی سەر کورسی یەدەک لە هەردوولا کارتی سووریان بە روودا بەرزکرایەوە. یەکێک لە تیمەکەی مۆرینیۆ و دووان لە تیمی دژبەر.
دوای یارییەکەش، لە گرتەیەکی رووندا دەردەکەوێت کاتێک جۆزێ قسە لەگەڵ دەستەی ناوبژیوانیی یارییەکەدا دەکات، ئوروکیش دێت بۆ هەمان مەبەست. بەڵام لەو ساتەدا دەمەبۆڵەیەک لە نێوانیاندا روودەدات. ئەوە لە کاتێکدا کە شوێنەکە بە پیاوانی ئاساییشی یاریگەکە تەنرابوو.
لەکاتی جێهێشتنی بوروک و دوورکەوتنەوەی لە مۆرینیۆ، بەڵام راهێەنەرە پۆرتوگالییەکە لەدوی دەڕوات و توند لووتی دەگرێت و راهێنەرە تورکیەکە بە زەویدا دەکەوێت.
ئەگەرچی هێشتا مشتومڕ و قسەکانی پێش ئەو رووداوە نەهاتووەتە مێدیاکانەوە، بەڵام چاوەڕواندەکرێت یەکێتی تۆپی پێی تورکیا جارێکیتر لیژنە لەسەر هەردوو راهێنەرەکە پێکبهێنێت.
بینەری دیمەنەکەبە:
Mourinho’nun Okan Buruk’a saldırdığı görüntülerin tamamı yayınlandı. pic.twitter.com/Nz2sSE338P
— Galatasaray Haber (@GSarayVideo) April 2, 2025
ئەم وەرزە بۆ مۆرینیۆ تا رادەیەکی زۆر بەبێ نازناو کۆتایی دێت. بەوپێیەی لە یۆرۆپالیگ دەرکراوە. لە سوپەر لیگی تورکیاش بە جیاوازیی 6 خاڵ و یارییەک زیاتریش، لە دوای گاڵاتاسەرای رکابەری دێت. ئەوە پێش 8 هەفتە لە کۆتاییهاتنی وەرزەکە.
