دوو یانەی ئینگلیزی گفتوگۆیان لەگەڵ سانێ دەستپێکرد

یاریگا –

کێبڕکێی یانەکانی دەرەوەی ئەڵمانیا لە ئێستاوە دەستیپێکرد لەسەر گواستنەوەی لێرۆی سانێ لە بایرن میونشن.

ئەم هاوینەی دێت گرێبەستی سانێ لەگەڵ باڤارییەکان بەسەردەچێت و هیچ نیازێکی رژدیش پیشاننەدراوە بۆ نوێکردنەوەی.

بەگوێرەی زانیاریی TBRFootballی ئینگلیزی، هەردوو یانەی تۆتنهام و ئارسیناڵ بەجیا هەوڵەکانیان دەستپێکردووە بۆ گواستنەوەی ئەستێرە ئەڵمانییەکە بۆ ریزەکانیان.

لێرۆی کە پێشتر ئەزموونی پرێمەرلیگی لەگەڵ مانچێستەر سیتی 2016-2020 تاقیکردووەتەوە، ئەم وەرزە ئاستێکی باش لە تیمەکەی ڤینسینت کۆمپانی پیشاندەدات، بەجۆرێک لە 36 یاریی سەرجەم پاڵەوانێتیەکاندا خاوەنی 11 گۆڵ و 4 ئەسێستە. بەڵام بابەتی مووچە یەکێکە لە خاڵە ناکۆکەکانیان ، هەربۆیە گومانی چوونی لەو یانە ئەڵمانیە ئەگەرە بەهێزترەکەیە.

جاری یەکەم نییە یانەکانی ئینگلتەرا خواست بۆ گواستنەوەی یاریزانە 29 ساڵییەکە پیشان بدەن، پێشتریش مانچێستەر یونایتد هەمان نیازی هەبوو، بەڵام گۆڕەپانی ململانییەکانی بۆ دوو یانە لەندەنییەکە جێهێشتووە.