یاریگا –
رۆبێرتۆ دی زێربی بووەتە ئامانجی یانەیەکی گەورەی ئیتاڵیا و هاوین لێی دەڕۆنە پێشەوه.
بەگوێرەی زانیارییەکانی رۆژنامەی گازێتای ئیتاڵی، یانەی ئەیسی میلان دەیانەوێ دی زێربی وەک راهێنەری داهاتووی خۆیان ببینن.
ئەو سەرچاوەیە ئەوەشی پشتڕاستکردووەتەوە کە لەنێو بەربژێرەکانی وەک ئانتۆنی کۆنتێ و ماسیمیلیانۆ ئالێگیری، راهێنەرەکەی پێشووی بڕایتنی ئینگلیزی و ئێستای مارسیلیای فەڕەنسی بژاردەی یەکەمی کارگێڕی میلانە.
هەر بەپێی زانیارییەکانی ئەو سەرچاوەیە، ئەوەی میلان زۆر ئەو راهێنەرەی لا پەسەندە، دی زێربی دی ئێن ئەی (DNA) رۆسۆنێری تێدایە و هەروەها شێوازی یاریکردنێتی.
Milan want De Zerbi as their next coach 🔴⚫️
He’s ahead of both Conte and Allegri as the options.
They like that he has Milan DNA and his style of football.
📰 Gazzetta pic.twitter.com/dM6wOlZ5xb
— Italian Football TV (@IFTVofficial) April 2, 2025
دوای رۆشتنی ستێفانۆ پیۆلی لە هاوینی رابردوو، میلان لەم وەرزەدا تا ئێستا دوو راهێنەری تاقیکردووەتەوه کە ئەوانیش فۆنسیکا و سێرجیۆ کۆنسێساوی پۆرتوگالیە. بەڵام دۆخی یانەکە لەگەڵ ئەمەی دواتریشیان باش نییە، هەربۆیە لەم هاوینە بیر لە هێنانی رۆبێرتۆی ئیتاڵی دەکەنەوە.
