یاریگا –
نووسینەگی داواکاری گشتی باڵای کاتالوونیا، جووڵە لە بەرامبەر دانی ئالڤێس دەستپێدەکاتەوە.
داواکاری گشتی کاتالوونیا لە دادگای باڵای ئیسپانیا تانە لە بڕیاری ئازادکردنی ئالڤێس دەدات، ئەمەش دوای ئازادکردنی ئالڤێس بە بیانووی نەبوونی بەڵگەی پێویست.
ئالڤێس بە تۆمەتی دەستدرێژیکردنە سەر کچێک لە یانەی شەوانەی سوتۆن لە بارسێلۆنا، بڕیاری زیندانی بۆ ماوەی چوار ساڵ و نیو لەلایەن دادگای بارسێلۆنا دەرچووبوو.
ئاژانسی هەواڵی ئیسپانیا بڵاویکردووەتەوە، داواکاری گشتی باڵای ئیسپانیا تانە لە بڕیارەکە دەدات و پێی وایە، بڕیارەکە پێشێلکردنی پڕەنسیبەکانی دەستوور و یاسای سزادانە.
دادگای باڵای ئیسپانیا پێی وایە، ئیفادەی ‘قوربانییەکە’ جێی متمانە نەبوو، بۆیە بڕیاری ئازادکردنی ئالڤێس دراوە.
هەینی رابردوو، دادگای باڵای ئیسپانیا بێتاوانی ئالڤێسی راگەیاند و روونیکردەوە
هەرچەندە قسەکانی خاوەن سکاڵا راستبن، بەڵام ناکرێ بە تەواوی پشتی پێببەسترێت. سکاڵای قوربانییەکە تەنیا بریتییە لە ‘دەستدرێژی’ بەبێ رەزامەندی خۆی، ئەمەش متمانەی تەواوی پێناکرێت، بۆیە دادگا پێی وایە شایەتییەکەی خاوەن سکاڵا بێ متمانەیە و لە قسەکانی دیکەشدا دڵنیاییمان وەرنەگرتووە.
