یاریگا –
بڕیارە ئەمڕۆ پشکنینی تەواو بۆ جورین تیمبەر و گابریێل ماگالاش، بەرگریکاری ئارسیناڵ بکرێت.
هەردوو بەرگریکارەکەی کەتیبەی میکێل ئارتێتا، لە یاریی رابردوو بەرامبەر فولهام 2-1 تووشی پێکانبوون، ئەمەش چەند رۆژێک بەر لە یاریی لووتکەی گەنەرز لە چامپیۆنزلیگ بەرامبەر ریال مەدرید.
ئارتێتا لەبارەی پێکانی یاریزانەکان روونیکردەوە
تاوەکو ئێستا هیچ شتێک دیارنییە، بەڵام سبەی (ئەمڕۆ) پشکنینی تەواویان بۆ دەکرێت.
ئەگەر ناوی دوو یاریزان بڵێم کە هەرگیز نایانەوێت گۆڕانکاریان پێبکرێت، ئەوا گابریێل و تیمبەرە. گابریێل لە رانی راستی هەست بە ئازار دەکات و نازانین چەندە مەترسیدارە. جورین لە سەرەتای یارییەکە هەستی بە ئازارکرد، بەڵام تاوەکو گێمی دووەم بەردەوامبوو.
شتەکە باشەکە گەڕانەوەی مارتینێلی بوو، سێ مانگە بەهۆی پێکان یاریی نەکردبوو، هەروەها بوکایۆ ساکاش دوای چوار مانگ گەڕایەوە و کای هاڤێرتز بۆ چوار مانگ دابڕاوە و ئەم وەرزەش بۆ گابریێل خێسوس تەواوبووە.
سەرەڕای پێکانەکان، توانیمان کۆنتڕۆڵی دۆخەکە بکەین و دەتوانم بڵێم، زۆر بۆ یارییەکەی ریال مەدرید خرۆشاوین.
جەیکوب کیڤیۆر، بەرگریکاری سویسری دوای چوار مانگ، لە شوێنی گابریێل یارییکرد.
گابریێل تەنیا بەشداری لە چوار یاریی ئەم وەرزەی ئارسیناڵ نەکردووە، لە 39 یاریدا سەرەکی بووە و دووجاریش وەکو یاریزانی یەدەک بەشداری کردووە. تیمبەر بەشداری لە 41 یاریی ئەم وەرزەی ئارسیناڵ کردووە.
یاریی داهاتووی ئارسیناڵ لە پرێمەرلیگ بەرامبەر ئێڤەرتنە و سێشەممەش لە قەڵای ئیماڕات لە یاریی چوونی قۆناخی هەشتی چامپیۆنزلیگ میوانداری ریال مەدرید دەکات.
