یاریگا –
روبن ئامۆریم، راهێنەری مانچێستەر یونایتد دووپاتیدەکاتەوە، کاتی چارەسەرکردنی کێشەکانی یانەکەی نییە، ئەمەش دوای دۆڕانی دوا یاریی بەرامبەر نۆتینگهام فۆڕێست لە پرێمەرلیگ.
مان یونایتد وەرزێکی خراپ بەڕێدەکات و سەرەڕای دوورخستنەوەی ئێریک تێن هاخ و دەستبەکاربوونی ئامۆریم، ئەنجامەکانی شەیتانە سوورەکان راستەڕێ نەبوون و ئێستا لە پلەی 13ی پرێمەرلیگدا دێت.
ئەمە 13مین دۆڕانی مانچێستەر یونایتد بوو لەم وەرزەی پرێمەرلیگ، ئەمەش دووەم خراپترین ریکۆردی مان یونایتدە لە خولەکە (14 دۆڕان). ئامۆریم لەبارەی قەیرانی ئێستای یانەکە دەڵێت
لە مانچێستەر یونایتد کاتت نییە، کاتم نابێت کێشەکان بەخێرایی چارەسەر بکەم.
لێرە هەندێکجار فشارەکان زۆر گەورەن، یارییەکەمان بە گۆڵێکی خێرای نۆتینگهام دەستپێکرد و ئەمەش پێگەی ئەوانی بەهێزترکرد و بەزۆرترین یاریزان بەرگرییان کرد. فۆڕێست یاریزانی زۆر خێرای هەیە و لە هێرشی هەڵگەڕاوەدا خێرابوون.
یاریی داهاتووی مانچێستەر یونایتد بەرامبەر مانچێستەر سیتییە و لەوانەیە ئەنجامێکی نەرێنی، چارەنووسی ئامۆریم بخاتە مەترسییەوە.
