یاریگا –
ئەمڕۆ لە یارییەكی دیكەی لووتكەدا ئەیسی میلان و ئینتەر میلان رووبەرووی یەک دەبنەوە.
وا بڕیارە ئەمڕۆ چوارشەممە كاتژمێر 22:00 بەكاتی كوردستان ئەیسی میلان و ئینتەر میلان رووبەڕووی یەک ببنەوە، لە میانی یاریی چوونی قۆناخی پێشكۆتایی جامی ئیتاڵیا.
پڕۆفایلی یاری
رووبەرووبوونەوەی نێوان ئەیسی میلان و ئینتەر میلان بە دێربی توڕە ناسراوە و بە یەکێک لە بەهێزترین و دێرینترین دێربییەکانی مێژوو دادەنرێت.
لەم وەرزەداو لە یاریی كۆتایی جامی سوپەری ئیتاڵیا دوای گەیشتنی هەردوو یانە بە یاریی كۆتایی، ئەیسی میلان بە سێ گۆڵ بەرامبەر دوو گۆڵ لە ئینتەر میلانی بردەوە و توانی نازناوی جامی سوپەری ئیتاڵیا بباتەوە.
ئەیسی میلان لە قۆناخی چارەگی كۆتاییدا لە رۆمای بردەوە و خۆی گەیاندە پێشكۆتایی جامی ئیتاڵیا، لە بەرامبەردا ئینتەر میلان بە بردنەوە لە لازیۆ خۆی گەیاندە ئەو قۆناخە.
هەردوو یانە لە مێژوودا 226 جار رووبەڕووی یەک بوونەتەوە، لە 85 یاریی ئینتەر براوە بووە و میلانیش 73یاریی و لە 68 یارییش یەكسان بوون.
لە یارییەكانی جامی ئیتاڵیا 27 جار رووبەروو بوونەتەوە 10 یاریی میلان براوە بووە و نۆ یارییش ئینتەر لە هەشت یاریشدا یەكسان بوون.
هەواڵی پێكانی یاریزانەكان
ئەیسی میلان بە بێ ئێمیرسۆن و لۆفتۆس چیك بەرامبەر ئینتەر یاریی دەكات.
ئینتەر میلانیش بە بێ دومفرێس، زێلینسكی ، تاریمی و كاربۆنی رووبەرووی میلان دەبێتەوە.
پێکهاتەی پێشبینیکراوی ئەیسی میلان
ماینان
تیۆ هێرناندێز، گابیا، تیاو، وۆڵكەر
رێندێرس، بن ناسڕ، فۆفانا
لیاو، ئابراهام، پولیسیچ
پێکهاتەی پێشبینیکراوی ئینتەر میلان
سۆمەر
بیسیك، ئاچێربی، باستۆنی
زالیویسكی، بارێلا، چالهانئۆغلۆ، میختاریان، دی ماركۆ
تورام، ئارناتۆڤیچ
