یاریگا –
ئەمڕۆ لە یاریی لووتكەدا ئاتلێتیكۆ مەدرید و بارسێلۆنا رووبەڕووی یەک دەبنەوە.
وا بڕیارە ئەمڕۆ چوارشەممە كاتژمێر 22:30 بە كاتی كوردستان ئاتلێتیكۆ مەدرید لە یاریگای ریاز ئێر مێترۆپۆلیتانۆی تایبەت بە خۆی میوانداری بارسێلۆنا بكات، لە میانی یاریی گەڕانەوەی جامی شای ئیسپانیا.
پڕۆفایلی یاری
لە ناوەڕاستی مانگی رابردوودا هەردوو یانە لە یارییەكانی گەڕی 28 لالیگا لە یاریگای ئاتلێتیكۆ مەدرید رووبەروو بوونەوە و لە یارییەكی پڕ گۆڵدا بارسێلۆنا بە ئەنجامی چوار گۆڵ بەرامبەر دوو گۆڵ یارییەكەی بردەوە.
یاریی چوون لە یاریگای مۆنجویک لە یارییەكی دراماتیكیدا هەردوو یانە بە چوار گۆڵ یەكسان بوون.
ئاتلێتیكۆ لەم وەرزەی لالیگادا 29 یاریی كردووە و لە 16 یاریی براوە بووە، 9 یاریی یەكسان بووە و 4 یاریی دۆڕاوە.
بە كۆكردنەوەی 57 خاڵ لە ریزبەندی سێیەمی لالیگای ئیسپانیا دێت.
لەم وەرزەدا لە 29 21 18 یاریی براوە بووە، سێ یاریی یەكسان بووە و پێنج یارییش دۆڕاوە.
بە كۆكردنەوەی 66 خاڵ لە پێشەنگی ریزبەندی لالیگای ئیسپانیا دێت.
شەوی رابردوو ریال مەدرید لە یارییەكی پڕ گۆڵدا لە ریال سۆسێدادی بردەوە و خۆی گەیاندە یاریی كۆتایی جامی شای ئیسپانیا و چاوەڕوانی براوەی نێوان ئاتڵێتیكۆ مەدرید و بارسێلۆنا دەكات.
هەواڵی پێكانی یاریزانەكان
دیێگۆ سیمیۆنی بۆ ئەو یارییە تەنیا لە تواناكانی كۆكی بێبەش دەبێت.
لە بەرامبەردا هانزی فلیك بە بێ مارك كاسادۆ، دانی ئۆلمۆ، تێر شتیگن، مارك بێرناڵ و كریستێنسن رووبەرووی ئاتلێتیكۆ دەبێتەوە.
پێکهاتەی پێشبینیکراوی ئاتلێتیكۆ مەدرید
موسۆ
یۆرێنتی ، خێمینیز، لینگلێت، رینیڵدۆ
سیمیۆنی، دی پاوڵ، باریۆس، لینۆ
گریزمان، ئالڤارێز
پێکهاتەی پێشبینیکراوی بارسێلۆنا
چێزنی
كۆندێ، مارتینێز، كوبارسی، بالدێ
دی یۆنگ، پێدری
یامال، فێرمین، رافینیا
لیڤاندۆڤسكی
