یاریگا –
ئەمڕۆ لە یارییەكی دیكەی یارییەكانی هەفتەی 30 پرێمەرلیگ، مانچێستەر سیتی لە یاریگای خۆیدا میوانداری لێستەر سیتی دەكات.
وا بڕیارە ئەمڕۆ چوارشەممە كاتژمێر 21:45 بە كاتی كوردستان مانچێستەر سیتی لە یاریگای ئیتیحادی تایبەت بە خۆی میوانداری لێستەر سیتی بكات، لە میانی یارییەكانی گەڕی 30 پرێمەرلیگ.
پڕۆفایلی یاری
مانچێستەر سیتی لەم وەرزەدا لە چامپیۆنزلیگ كراوەتە دەرەوە و لە بردنەوەی نازناوی پرێمەرلیگیش بێهیوا بووە، تەنیا لە جامی یەكێتیی ئینگلتەرا ركابەری دەكات و هەوڵی گەیشتن بە چامپیۆنزلیگی وەرزی داهاتوو دەدات.
لەم وەرزەی پرێمەرلیگدا لە كۆی 29 یاریی لە 14 یاریی براوە بووە، 6 یاریی یەكسان بووە و نۆ یارییش دۆڕاوە.
بە كۆكردنەوەی 48 خاڵ لە ریزبەندی پێنجەمی پرێمەرلیگ دێت.
لە بەرامبەردا لێستەر سیتی بە راهێنەرایەتیكردنی ڤان نێستێلرۆی بە تەواوی لە دابەزین بۆ چامپیۆنشیپی وەرزی داهاتوو نزیكە.
لەم وەرزەدا 29 یاریی كردووە و تەنیا چوار یاریی براوە بووە، پێنج یاریی یەكسان بووە و 20 یارییش دۆڕاوە.
بە كۆكردنەوەی 17 خاڵ لە ریزبەندی نۆزدەیەمی پرێمەرلیگ دێت.
هەواڵی پێكانی یاریزانەكان
مانچێستەر سیتی لە یاریی جامی یەكێتیی ئینگلتەرا گورزێكی كوشندەی بە پێكانی ئێرلینگ هالاند بەركەوت.
بە بێ هالاند، ئاكانجی، جۆن ستۆنز، ئاكێ، رۆدری و بۆب رووبەرووی لێستەر دەبێتەوە.
لێستەر سیتیش بە بێ عەبدول فاتاو و ریكاردۆ پێرێرا بەرامبەر سیتی یاریی دەكات.
پێکهاتەی پێشبینیکراوی مانچێستەر سیتی
ئێدەرسن
ئۆ رێلی، لێویس، دیاس، ڤاردیۆڵ
نیكۆ گۆنزالێس، كۆڤاسیچ
سێلڤا، دی برۆین، ساڤیۆ
مەرمووش
پێکهاتەی پێشبینیکراوی لێستەر سیتی
هێرمانسن
كریستیانسن، ڤێستایۆر، فایس، جەستن
ئێندیدی، وینكس
رید، خەنوس، ئایۆ
ڤاردی
