یاریگا –
نەورۆز دوایین یەکەی مەشق و راهێنانی خۆی کرد وەک ئامادەکاریی بۆ یارییەکەی مینا کە لە یاریگای خۆی بەرێوەدەچێت.
چوارشەممە ( 2ـی نیسانی 2025 ) لە گەڕی 26ـی خولی ئەستێرەکانی عێراق کاتژمێر 9ـی شەو نەورۆز لە یاریگای خۆی رووبەرووی مینا دەبێتەوە، ئەم یارییە گرنگی تایبەتی بۆ نەورۆز هەیە چونکە چوار یارییە سەرکەوتنی تۆمار نەکردووە و لە هەر چوار یارییشدار شکستی هێناوە، کلاودیۆ مارادۆنای هێرشبەریش بەشداری مەشقی بە کۆمەڵی کردووە و یەکلایی نەکراوەتەوە بۆ یارییەکە ئامادەدەبێت یاخود راهێنەر بریاری دیکەی لەسەر دەدات، یازدە هەز بلیتی یارییەکەش فرۆشراوە کە بۆ یەکەمجارە یاریگای نەورۆز چونەژوورەوەی هاندەران دەکرێتە بلیت.
نەورۆز و مینا پێنج یاریی فەرمیان لە خولی عێراق بەرامبەر یەکتر کردووە، نەورۆز دوو یاریی بردۆتەوە و لە سێ یارییشدا یەکسان بوون و مینا هیچ سەرکەوتنێکی نیە، نەورۆز 11 گۆڵی کردووە و مینا چوار گۆڵی تۆمار کردووە، لە وەرزی 2021 لە جامی عێراق مینا 3 _ 1 براوە بووه و نەورۆزی لە پاڵەوانێتیەکە دوورخستۆتەوە.
سوورپۆشەکانی سلێمانی 30 خاڵیان هەیە لە ریزبەندی 15ـەم دێن، مینا دوایین سێ یاریی بە راهێنەرایەتی حوسام سەیدی سووری دوو سەرکەوتن و یەکسان بوونێکی هەیە و بە 28 خاڵ لە ریزبەندی 16ـەی خولی ئەستێرەکانی عێراق دێت.
