یاریگا –
مانچێستەر یونایتد لەبەر هۆکارێکی کەم وێنە لە مێژووی یانەکەدا، داشکاندنێکی گەورە لە نرخی بلیتەکانیدا دەکات.
مان یونایتد بە راهێنەرایەتی روبن ئامۆریم بەردەوامە لە ئەنجامە خراپەکانی و شەوی رابردوویش لە میانی هەفتەی 30ی پرێمەرلیگ 0-1 بە نۆتینگهام فۆرێست دۆڕا.
سەرەتای وەرزبوو بە بڕیارێکی سێر جیم راتکڵیفی هاوخاوەنی مان یونایتد نرخی بلیتی یارییەکانی بۆ 66 پاوەند بەرزکردەوە کە بووبە هۆی ناڕەزایەتی هاندەرانی یانەکە تا ئاستی گردبوونەوە و خۆپیشاندان.
ئێستا و بەگوێرەی زۆرێک لە سەرچاوە ئینگلیزیەکان، لە نێویاندا مەیڵ سپۆرت، بۆ یاریی دێربی مانچێستەری هەفتەی داهاتوو یانەکە بڕیاریداوە نرخەکان بگەڕێنێتەوە بۆ نیوەی ئەوەی لە سەرەتای وەرز سەپاندیان.
وەک سەرچاوەکان ئاشکرایان کردووە، هۆکاری ئەو داشکاندنە گەورەیە بۆ کەمبوونەوەی خواستی هاندەران دەگەڕێتەوە لەسەر کڕینی بلیتی یاریی یانەکەیان.
🚨 Manchester United have almost halved their ticket prices for Sunday’s Manchester derby against City after a lack of interest from supporters.
(Source: @MailSport) pic.twitter.com/K0b6XhbhjH
— Transfer News Live (@DeadlineDayLive) April 1, 2025
دوای هاتنی راتکڵیف کە ئێستا زیاتر لە 25%ی پشکی یانەکەی لەدەستە لەگەڵ بڕیارە گرنگەکان، مان یو کۆمەڵێک بڕیاری بێ پێشینەی دەرکردووە کە خۆی دەبینێتەوە لە کەمکردنەوەی ژەمە خۆراکی ستافە خیاوازەکانی یانەکەش وەک بەشێک کە دەستگیرۆیی بۆ سنووردارکردنی خەرجییەکانیان، بەڵام دووچاری رخنەیەکی زۆریی هاندەران و مێدیا بووەتەوە.
مانچێستەر یونایتد ئێستا لە ریزبەندیی 13 دەبینرێت، لە ئەگەری بردنەوەی تۆتنهام و ئێڤەرتن لە یارییەکانیان، تیمەکەی ئامۆریم دادەبەزێتە پلەکانی خوارووتر.
