یاریگا –
بە نزیکتربوونەوە لە کۆتایی وەرزەکە و وادەی دەستپێکردنی جامی جیهانی یانەکان کە هاوین لە ئەمریکا بەڕێوەدەچێت، دەنگۆی بەشداریکردنی کریستیانۆ رۆناڵدۆ لەو پاڵەوانێتیە بەهێزتر دەبێت.
لە ماوەی رابردوودا زانیارییەکان باسیان لە نیازی یانەکانی مانچێستەر سیتی و چێڵسی دەکرد بۆ گواستنەوەی رۆناڵدۆ تەنها بۆ یارییەکانی ئەو پاڵەوانێتیە، ئەوەش دوای ئەوەی فیفا بڕیاریدا بازاڕێکی ماوە کورت (1ی یۆنیۆ بۆ 10ی هەمان مانگ) بڕەخسێنێ بۆ یانە بەشداربووەکان کە بۆ ئەو پاڵەوانێتیه یاریزان بگوازنەوە ریزەکانیان.
ئەمڕۆش گوایە بەگوێرەی مێدیا ئیتاڵییەکان یانەی ئینتەر میلانیش بە رژدی بیر لە گواستنەوەی دۆن دەکاتەوە بۆ سوودوەرگرتن لە توانا گۆڵکارییەکانی بۆ مۆندیالەکە. بەڵام توتۆسپۆرتی هەمان وڵات ئەو دەنگۆیەشی رەترکردەوە.
سەرچاوەکە وەک ئاگەداری دەنگۆی لەو شێوەیە، بەڵام پەیوەندیکردنی کریستیانۆی بە ئینتەرەوە رەتکردەوە
🚨🇵🇹 Pese a los rumores, no hay posibilidades de que Cristiano Ronaldo sea refuerzo del Inter de Milán para jugar el Mundial de Clubes 2025.
ℹ️ @tuttosport pic.twitter.com/OqWco796Iv
— Fútbol Fichajes (@FutboolFichajes) April 1, 2025
لەم وەشانە نوێیەی مۆندیالی یانەکاندا 32 تیم بەشداریی دەکات و هیلال نوێنەری سعوودیەکانە، بەڵام نەسری ئەفسانە پۆرتوگالیەکە نەیتوانی بگاتە ئەو پاڵەوانێتیە. هەربۆیە زۆرێک لە یانەکان دەیانەوێ ئەو درەفتە بقۆسنەوه کە گۆڵکارەکەی مادێرا هاوین گرێبەستەکەی بەسەردەچێت.
