تەواو؛ بارسێلۆنا گرێبەستی ئەستێرەیەک نوێدەکاتەوە

یاریگا –

بارسێلۆنا لە نوێکردنەوەی گرێبەستی ڤۆیچێخ چێزنی پۆڵەندی نزیکدەبێتەوە.

رۆژنامەنووسی سکای ئەڵمانیا، فلۆریان پلێتنبێرگ بڵاویکردووەتەوە، بارسێلۆنا بڕیاریداوە گرێبەستی ڤۆیچێخ چێزنی بۆ وەرزێکی دیکە نوێبکاتەوە و گۆڵپارێزە پۆڵەندییەکە تاوەکو هاوینی 2026 لە بارسێلۆنا دەمێنێتەوە.

بەگوێرەی زانیارییەکانی فلۆریان، هەموو شتێک لەبارەی نوێکردنەوەی گرێبەستی چێزنی ئەرێنییە، هانزی فلیک داوای هێشتنەوەی گۆڵپارێزە 34 ساڵانییەکەی کردووە.

🚨🔵🔴 FC Barcelona are now pushing to extend Wojciech #Szczesny’s contract by another year, until 2026.

Things are looking very positive. #Barca coach Hansi Flick wants to keep the experienced 34-y/o goalkeeper.@SkySportDE 🇵🇱 pic.twitter.com/RuD1vUT9uP

— Florian Plettenberg (@Plettigoal) April 1, 2025

چێزنی لەکۆتایی وەرزی رابردوو بەیەکجاری وازهێنانی لە یاریکردن راگەیاند، بەڵام بەهۆی پێکانی تێر شتیگن، یانە کاتالوونیەکە گرێبەستێکی پێشکەشکرد و گۆڵپارێزەکەی گەڕانەوە لاکێشەی سەوز.

گۆڵپارێزە پۆڵەندییەکە متمانەی هانزی فلیکی بەدەستهێناوە و بووەتە گۆڵپارێزی سەرەکی یانەکە. بە درێسی بارسێلۆنا لە سەرجەم پاڵەوانێتییەکان بەشداریی 18 یاریی کردووە و لە 9 یاریی تۆڕی گۆڵەکەی بەخاوێنی پاراستووە و تاوەکو ئێستا تووشی شکستیش نەبووە.