یاریگا –
راپۆرتە رۆژنامەوانیەكان دوایین زانیارییەكانیان دەربارەی داهاتووی كارلۆ ئانچێلۆتی راهێنەری ئیتاڵی یانەی ریال مەدریدی ئیسپانی بڵاوكردەوە.
كارلۆ ئانچێلۆتی بەردەوام لە لێدوانەكانیدا خواستی خۆی بە مانەوە لە ریزەكانی یانەكەی دەردەبڕێت و پابەندبوونی خۆی بە گرێبەستەكەی لەگەڵ یانە شاهانەكە دووپاتدەكاتەوە.
بە گوێرەی زانیارییەكانی تۆڕی ئاتلێتیک، ئانچێلۆتی لەداهاتووی لەگەڵ ریال مەدرید دڵنیا نییە و چەند هۆكارێک بیركردنەوەی راهێنەرەكەیان گۆڕیوە و ئەوەش دەرگا بەرووی وەرگرتنی پۆستی راهێنەرایەتیكردنی هەڵبژاردەی بەڕازیلدا دەكاتەوە.
لە راپۆرتەكەشدا هاتووە، ریال مەدرید گفتوگۆی لەگەل چابی ئاڵۆنسۆ راهێنەری بایەر لیڤەركوزن دەربارەی ئەگەری وەرگرتنی پۆستی راهێنەرایەتیكردنی یانەكە لە داهاتوودا كردووە، ئانچێلۆتی بەو گفتۆگۆی زانیوە و هەڵوێستی دەربارەی یانەكە گۆڕاوە.
لەلایەكی دیكەوە فیدراسیۆنی تۆپی پێی بەڕازیل دەیەوێت پێش یارییەكانی جامی جیهانی 2026 كارلۆ ئانچێلۆتی وەک راهێنەری نوێی هەڵبژاردەكەی دەستنیشان بكات.
ریال مەدرید لەم وەرزەدا بە راهێنەرایەتیكردنی كارلۆ لە ریزبەندی دووەمی لالیگا دێت و لە قۆناخی چارەگی كۆتایی چامپیۆنزلیگ و پێش كۆتایی جامی شای ئیسپانیایە و ركابەرایەتی سەرجەم نازناوەكان دەكات.
