یاریگا –
مانچێستەر سیتی بەهۆی پێکانێکی سەخت ئەستێرەی یەکەمی تیپەکەی لەدەستدا و تاوەکو هاوین ناگەڕێتەوە.
ئێرلینگ هالاند بەهۆی ئازارەوە، یاریی قۆناخی چارەکی کۆتایی جامی FA بەرامبەر بۆرنمس تەواونەکرد و یارییەکەی جێهێشت.
هێرشبەرە نەرویجییەکە، دوای تێپەڕبوونی 60 خوولەک، بەهۆی هەستکردن بە ئازاری پاژنە پێ، یارییەکەی جێهێشت و عومەر مەرمووش شوێنیگترەوە.
لە دوای یارییەکە هالاند بە دارشەقە و ئامرازی پاراستنی پێ بیندرا، ئەمەش مەترسییەکانی سەر قورسی پێکانەکەی زیادکرد.
BREAKING: Erling Haaland left Bournemouth with his left foot/ankle in a protective boot following the injury sustained in the second-half.
🎥 TikTok: celebstarclips pic.twitter.com/DNB2H8phyh
— City Xtra (@City_Xtra) March 30, 2025
ماڵپەڕی فەرمی مانچێستەر سیتی بڵاویکردووەتەوە، ئەمڕۆ دووشەممە پشکنینی پزیشکی سەرەتایی بۆ هالاند کراوە، دەرکەوتووە لە پاژنەی پێی تووشی پێکان بووە، پێشبینی دەکرێت بۆ یارییەکانی جامی جیهانی یانەکان بگەڕێتەوە.
مانچێستەر سیتی لەم وەرزە 9 یاریی پرێمەرلیگ ماوە و لە جامی یەکێتی ئینگڵتەڕاش گەیشتووەتە قۆناخی پێشکۆتایی، پێشبینی دەکرێت هالاند بەشداریی هیچ یارییەکیان نەکات.
بەڵام سیتزین گەشبینە گۆڵکارەکەی بۆ جامی جیهانی یانەکان ئامادەبێت، کە لە مانگی شەشی ئەمساڵ لە ئەمریکا بەڕێوەدەچێت.
Injury update: Erling Haaland
— Manchester City (@ManCity) March 31, 2025
