بۆیەکەمجار لە مێژوودا هاوینی داهاتوو لە پرێمەرلیگ دوو مێرکاتۆی هاوینە دەبێت
یاریگا –
بۆ ئەوەی یانەکان بە باشی خۆیان بۆ مۆندیالی یانەکان ئامادە بکەن، بۆیەکەمجار لە مێژوودا هاوینی داهاتوو لە پرێمەرلیگ دوو مێرکاتۆی هاوینە دەبێت.
بەفەرمی مێرکاتۆی یەکەمی هاوینەی 2025، رۆژی 1ـی یۆنیۆ دەستپێدەکات و رۆژی 10ـی هەمان مانگ کۆتایی دێت، واتە لە سەرەتای مانگی 6 بۆ ماوەی 10 رۆژ دەرگای گواستنەوەی هاوینەی یاریزانان دەکرێتەوە و دادەخرێت، بۆ ئەوەی یانە بەشداربووەکانی مۆندیالی یانەکان گرێبەستی نوێ بکەن و خۆیان بۆ شێوازە نوێیەکەی پاڵەوانێتییەکە ئامادە بکەن.
🚨 The Premier League transfer window will open between Sunday 1 June-10 June as clubs decide to take the FIFA’s exceptional window ahead of the Club World Cup. It will then shut briefly for six days before reopening on Monday 16 June. The summer window will then close on Monday… pic.twitter.com/DZBQL0chRj
— Ben Jacobs (@JacobsBen) March 27, 2025
ماوەی دووەم دوای شەش رۆژ لە داخرانی دەرگای گواستنەوەی یاریزانان دەبێط، واتە رۆژی 16ـی یۆنیۆ دەرگای گواستنەوەی هاوینەی یاریزانان دەکرێتەوە و رۆژی 1ـی سێپتێمبەر دادەخرێت، کە خولەکانی لالیگا و بۆندسلیگا و پرێمەرلیگ رێککەوتوون بەیەکەوە کۆتایی بە مێرکاتۆی هاوینە بهێنن.
لەبەر ئەوەی بەگوێرەی یاساکانی فیفا بۆ گواستنەوەی یاریزانان، نابێت لە هیچ خولێک ماوەی مێرکاتۆی هاوینە لە 89 رۆژ زیاتر بێت، بۆیە یانەکانی پرێمەرلیگ دەنگیان بە بڕیارە داوە، بۆ ئەوەی خۆیان لەگەڵ دۆخەکە بگونجێنن و یانەکانی پرێمەرلیگ بە باشی خۆیان بۆ مۆندیالی یانەکان ئامادە بکەن.
مۆندیالی یانەکان بۆیەکەمجار بە شێوازێکی نوێ لە ئرمیکا رۆژانی 14ـی یۆنیۆ تاوەکو 13ـی یۆلیۆ بەڕێوە دەچێت، کە یانەکانی مانچێستەر سیتی و چێڵسی وەکو نوێنەری یانەکانی پرێمەرلیگ بەشدار دەبن.
