بایرن میونشن دوو بژاردە وەکوو شوێنگرەوەی هاری کەین دیاری دەکات
یاریگا –
بایرن میونشنی ئەڵمانی هەوڵی گواستنەوەی یەکێک لە هێرشبەرانی وەک نیک ڤۆڵتیمادی و جۆناسان بورکارد، وەک شوێنگرەوەی هاری کەین دەدات.
بایرن میونشن چاودێری نیک ڤێڵتمادی هێرشبەری تەمەن 23 ساڵانی شتوتگارت دەکات بۆ ئەوەی وەرزی داهاتوو هێڵی هێرشبەری بەهێزتر بکات. ڤۆڵتیمادی کە تا ساڵی 2028 گرێبەستی لەگەڵ شتوتگارت هەیە، مەرجی ئازادکردنی نییە، بۆیە هەر گواستنەوەیەکی ئەگەری پێویستی بە دانوستانی راستەوخۆی نێوان هەردوو یانە دەبێت.
– @BILD confirms Bayern’s interest in Stuttgart striker Nick Woltemade. There has already been contact with the player’s camp. Woltemade is under contract at VfB until 2028 and has no release clause pic.twitter.com/vOmnzGsS18
— Bayern & Germany (@iMiaSanMia) March 25, 2025
بایرن میونشن دوای گواستنەوەی هاری کەین لە تۆتنهامەوە هەوڵی گواستنەوەی هێرشبەرێکی دووەم دەدات بۆ داپۆشینی ئەو پۆستە و کەمکردنەوەی فشارەکانی سەر ئەستێرەی ئینگلیزیەکەیان. بە ئاستە نایابەکەی لەم وەرزەدا، ڤۆڵتیمادی توانی سەرنجی ئیدارەی بایرن رابکێشێت، ناوی ئەویش لە لیستی بژاردەکانی تیپەکەدا هاتووە بۆ بەهێزکردنی هێڵی هێرشبەری یانەکە. جگە لە ڤۆلتیمادی، جۆناسان بورکاردی هێرشبەری ماینز بە بژاردەیەکی دیکە بۆ بایرن میونشن دادەنرێت. بورکارد ئەزموونی یاریکردنی لە بۆندسلیگا هەیە و شێوازی یاریکردنی دەتوانێت تەواوکەرێکی باش بێت بۆ پێکهاتەی هێرشبەری بایرن.
Jonathan Burkardt has been on Bayern’s list for quite some time. He was already discussed internally as a potential new signing last summer. Frankfurt, Leipzig and Leverkusen are showing concrete interest for this summer. The problem from Bayern’s perspective is that Burkardt… pic.twitter.com/e5AudxWNrH
— Bayern & Germany (@iMiaSanMia) March 25, 2025
بە لەبەرچاوگرتنی گرنگی هەبوونی هێرشبەرێکی یەدەگی متمانەپێکراو بۆ هاری کەین، بایرن میونشن لە چەند هەفتەی داهاتوودا دەست بە دانوستانەکان دەکات بۆ گواستنەوەی یەکێک لەو یاریزانانە. ماوە بزانرێت یانەکە لەگەڵ شتوتگارت یان ماینز رێک دەکەوێت یان بژاردەی دیکە لەبەرچاو دەگرن.
