یاریگا –
بەرەبەیانی ئەمڕۆ ئیمیلیانۆ مارتینێز، گۆڵپارێزی هەڵبژاردەی ئەرجەنتین، توانی جارێکی دیکە تۆڕی گۆڵەکەی بە خاوێنی بهێڵێتەوە، بەمەش ئامارەکانی لەم رووەوە باشتر کرد.
بەرەبەیانی ئەمڕۆ لە سێزدەیەمین هەفتەی پاڵاوتنەکانی مۆندیالی 2026 لە ئەمریکای باشوور، هەڵبژاردەی ئەرجەنتین و هەڵبژاردەی ئۆرۆگوای رووبەڕووی یەکتربوونەوە و لە کۆتاییدا ئەرجەنتین توانی بە ئەنجامی 1-0 یارییەکە بباتەوە.
بەم شێوەیە ئیمیلیانۆ مارتینێز کە لەم یارییەدا گۆڵپارێزی ئەرجەنتین بوو، جارێکیتر توڕی گۆڵەکەی بەخاوێنی هێشتەوە ژمارەی کلین شییتەکانی زیاتر کرد. لە راستیدا ئەو گۆڵپارێزە توانیویەتی لە پەنجا یاریدا 36 کلین شیت بکات.
🔐🇦🇷 Emiliano ‘Dibu’ Martínez has now 36 clean sheets in 50 games with Argentina. pic.twitter.com/EafZFIb0V3
— Fabrizio Romano (@FabrizioRomano) March 22, 2025
ئیمیلیانۆ لە مۆندیالی 2022ی قەتەر بووبووە دەنگوباسی مێدیاکان و تۆقێنەرانی هێرشبەران. لە کاتی لێدانی سزادا، بە جوڵە سەیرەکانی یاریزانانی بەرامبەری سەرقاڵ دەکرد، بەم شێوەیەش دەیتوانی رێگری لە لێدانی سزاکانیان بکات.
ئیمی مارتینێز دووجار نازناوی جامی ئەمریکا و جارێکیش لەگەڵ ئەرجەنتین نازناوی جامی جیهانی بەدەستهێناوە. هەروەها خاوەنی نازناوی فینالیسیماشە.
