یاریگا –
لوئەی سەڵاح و هەڵگورد مەلا محەمەد دەستیان لە راهێنەرایەتی قوە جەوییە کێشایەوە، بەڵام دەستەی کارگێڕی یانەکە رەتیکردەوە و پەسەندی ناکات.
بەگوێرەی زانیارییەکانی تۆڕی وەرزشی یاریگا ئەمڕۆ شەممە (22ـی مارس/ئاداری 2025) لوئەی سەڵاح راهێنەری قوە جەوییە و هەڵگورد مەلا محەمەد یاریدەدەری سەرپەرشتی دوایین یەکەی مەشق و راهێنانی قوە جەوییەیان کرد و بە یاریزانەکانیان راگەیاندووە، چیدی لەگەڵ یانەکە بەردەوام نابن.
لوئەی سەڵاح و هەڵگورد مەلا محەمەد نامەی دەستلەکارکێشانەوەیان پێشکەشی دەستەی کارگێڕی قوە جەوییە کردووە، بەڵام دەستەی کارگێڕی قوە جەوییە پەسەندی نەکرد و رەتیکردەوە بە دەستلەکارکێشانەوەکەیان رازی بێت، هەردوولا لەگفتوگۆدان بۆ ئەوەی گلەیی و گازاندەکانی دەستەی راهێنەران چارەسەر بکرێن، تاوەکو بەردەوام بن.
قوە جەوییە دوای هەشت رۆژی دیکە رۆژی یەکشەممە لە گەڕی بیست و پێنجەمی خولی ئەستێرەکانی عێراق لە یاریگای شەعب لە دێربی بەغدا رووبەڕووی شوڕتە دەبێتەوە.
