یاریگا –
کیڤن دی برۆین، ئەستێرەی هەڵبژاردەی بەلجیکا لە یارییەکەی بەرامبەر ئۆکرانیادا ژمارەیەکی پێوانەیی نوێی تۆمار کرد.
کیڤن دی برۆین، داهێنەری هەڵبژاردەی بەلجیکا لە یارییەکەی ئەم دواییەی بەرامبەر ئۆکرانیا توانی ئەسیستێک بکات و کۆی ئەسیستەکانی گەیشتە 50 ئەسیست و پەیوەندی بە لیستی باشترین ئەسیستکارانی مێژووی هەڵبژاردە نیشتمانییەکانەوە کرد.
لە لیستی باشترین ئەسیستکارانی مێژووی تۆپی پێی نیشتمانیدا، لاندۆن دۆنۆڤان هێرشبەری پێشووی هەڵبژاردەی ئەمریکا بە 58 ئەسیست لە پلەی یەکەمدایە. لیۆنێل مێسی و نێیمار یەکسانن لە پلەی دووەم، هەردووکیان بە 57 ئەسیست. ئەفسانەی هەنگاری فێرینک پوشکاش بە 53 ئەسیست لە پلەی سێیەمدایە. دوای ئەوە کیڤن دی برۆین بە 50 ئەسیست لە پلەی چوارەمدایە.
بە لەبەرچاوگرتنی تەمەنی دی برۆین و بەردەوام بوونی لە هەڵبژاردەی بەلجیکا، پێشبینی دەکرێت بتوانێت لە زیادکردنی ژمارەی ئەسیستەکانی پێگەیەکی باشتر لەم ریزبەندییەدا بەدەستبهێنێت. ئەم دەستکەوتە کاریگەری دی برۆین و رۆڵی سەرەکی لە هەڵبژاردەی بەلجیکا و هەروەها مانچێستەر سیتی نیشان دەدات. ئەگەری زۆرە کیڤن دی برۆین لە هاوینی 2025 مان سیتی جێبهێڵێت. یانەکانی خولی ئەمریکی و سعودیەکان ئارەزووی ئەم یاریزانە دەکەن.
