یاریگا –
کاردانەوە و راپۆرتە جیاوازەکان لەسەر یاریی لووتکەی خولی ئیسپانی لەنێوان ئاتلێتیکۆ مەدرید و بارسێلۆنا بەردەوامیی هەیە و لەو چوارچێوەیەدا زانیارییەکی سەیر لەبارەی ئانتوان گریزمان خرایەڕوو.
شەوی رابردوو لە میانی هەفتەی 28ی لالیگا بارسێلۆنا لە ریمۆنتادایەکی کەم وێنەدا 2-4 شکستی بە رۆخی بلانکۆ هێنا. لەو یارییەی کە تا دوای خولەکی 70ی یارییەکەش هەر خاوەن ماڵ بە 2 گۆڵ لەپێش میوانە کەتەلۆنییەکەیانەوەبوو.
بەو دۆراندنە، ئاتلێتیکۆ خەونی نزیکتربوونەوەی لە پێشەنگایەتی خولەکە لێشێوێندرا و هاتەوە پلەی سێیەم، بەجۆرێک کە رەنگە تا رادەیەکی زۆریش لە گەیشتن بە نازناوەکە ئەرکی قورستربوو. بەوەش جارێکیتر گریزمان بێ نازناو دەمێنێتەوە سەرەڕای ئەزموونی 16 ساڵ یاریکردن لە خولی ئەو وڵاتە کە یەکەم جار لە 2009-2014 لە ریاڵ سۆسیدادەوە دەستیپێکرد پێش ئەوەی بارگەی بۆ یانە مەدریدیەکە بگوازێتەوە.
ئەستێرە فەڕەنسیەکە لەو ماوەیەدا تا ساڵی 2019 لەگەڵ ئاتلێتیکۆ هیچ جارێک نەیتوانی نازناوی لالیگا بباتەوە. دوای پەیوەندیکردنیشی بە بارسێلۆناوە لە 2019-2022، دیسان وشکەساڵیی روویکردە بلاوگرانا.
هەردوو یانەکە لە 2015-2021 توانیان 5 نازناو کۆبکەنەوە، بەڵام لە هیچ وەرزێکی پاڵەوانبوونیاندا گریزمانیان لەگەڵ نەبوو.
ئەم وەرزەشی بێتە سەر کە پێشبینی دەکرێ کۆتا وێستگەی بێت لەگەڵ ئاتلێتیکۆ مەدرید، ئانتوان بە سفر نازناوی خول ئیسپانیا جێدەهێڵێت. لەکاتێکدا هەر خۆی بە تۆمارکردنی 197 گۆڵ، خاوەنی زۆرترین گۆڵە بە درێسی ئەو یانەیەوە.
Barcelona and Atletico Madrid won LALIGA five times between 2015 and 2021.
Antoine Griezmann played for both clubs during this time and won zero league titles.
He still hasn’t won a top flight league trophy in his club career. pic.twitter.com/6sc5Ymiqme
— ESPN FC (@ESPNFC) March 17, 2025
