یاریگا –
ئەمڕۆ لە هەفتەیەكی دیكەی پرێمەرلیگ مانچێستەر سیتی لە یاریگای خۆیدا میوانداری برایتن دەكات.
وا بڕیارە ئەمڕۆ شەممە كاتژمێر 18:00 بەكاتی كوردستان مانچێستەر سیتی لە یاریگای ئیتیحادی تایبەت بە خۆی میوانداری برایتن بكات، لە میانی یارییەكانی گەڕی 29ی پرێمەرلیگ.
پڕۆفایلی یاری
مانچێستەر سیتی هەفتەی رابردوو بووە میوانی نۆتینگهام و یارییەكەش بە گۆڵێكی بێ وەڵام لە بەرژەوەندی خاوەن ماڵ كۆتایی هات.
مانچێستەر سیتی لەم وەرزەدا بە دۆخێكی قورسدا تێدەپەڕێت، بەجۆرێک لە چامپیۆنزلیگ ماڵئاوایی كرد و مەترسی نەگەیشتنیشی بە چامپیۆنزلیگی وەرزی داهاتوو لەسەرە.
لەم وەرزەی پرێمەرلیگدا لە كۆی 28 یاریی لە 14 یاریی براوە بووە، پێنج یاریی یەكسان بووە و نۆ یارییش دۆڕاوە.
بە كۆكردنەوەی 47 خاڵ لە ریزبەندی پێنجەمی پرێمەرلیگ دێت.
لە بەرامبەردا برایتن لە كۆی 28 یاریی لە 12 یاریی براوە و دە یاریی یەكسان بووە و شەش یاریی دۆڕاوە.
بە كۆكردنەوەی 46 خاڵ لە ریزبەندی حەوتەمی پرێمەرلیگ دێت.
هەواڵی پێكانی یاریزانەكان
پێپ گواردیۆلا بۆ ئەو یارییە لە تواناكانی مانویێل ئاكانجی، جۆن ستۆنز، ناتان ئاكێ ، رۆدری و ئۆسكار بۆب بێبەش دەبێت.
لە بەرامبەردا برایتن بە بێ ڤیلتمان، لویس دانك، جەیمس میلنەر و ستیل بێبەش دەبێت.
پێکهاتەی پێشبینیکراوی مانچێستەر سیتی
ئێدەرسن
خوسانۆڤ، لێویس، دیاس، ڤاردیۆڵ
نیكۆ گۆنزالێس، كۆڤاسیچ
فۆدن، مەرمووش، ساڤیۆ
هالاند
پێکهاتەی پێشبینیکراوی برایتن
ڤێربروغن
لامتی، ڤان هیكی، وێبستەر، ئیستۆپینان
بالیبا، ئایاری
مینتیێ، روتەر، میتۆما
پێدرۆ
