بەڕێوەبەرە نوێیەکەی ئارسیناڵ کورتەی لیستی کڕینەکانی دیاریکردووە

یاریگا –

هاوینێکی سەرقاڵ چاوەڕێی ئاندریا بێرتای بەڕێوەبەری تازە دەستنیشانکراو لە ئارسیناڵ دەکات و لە ئێستاوە لیستی کڕینەکانی ئامادەکردووە.

یەکشەممەی رابردوو یانە لەندەنییەکە بێرتای وەک شوێنگرەوەی ئیدۆی بەڕازیلی دەستنیشانکرد کە چەند مانگێک بوو ئەو پۆستە بە بەتاڵی مابووەوە.

تەواو؛ ئارسیناڵ بەڕێوەبەرێکی وەرزشی نوێی دەستنیشانکرد – Yariga

بەگوێرەی زانیارییەکانی GiveMeSport، بەڕێوەبەرە ئیسپانییەکە کۆتا لیستی بۆ گواستنەوەکانی هاوین پاکتاوکردووە و زۆرینەیان ئیسپانیین و هەر لە خولی ئەو وڵاتەن. ئامانجەکانیشی ئەمانەن:

مارتن زوبیمێندی لە یانەی ریال سۆسیداد بۆ هێڵی ناوەند، نیکۆ ویلیامسی ئاتلێتیک بیلباو لە باڵی چەپ، خوان گارسیای گۆڵپارێزی ئیسپانیۆل و هەروەها برونۆ گیمارایش لە یانەی نیوکاسڵ.

گەنەرز بۆ هێڵی پێشەوە بژاردەی کەمتری بەدەستەوە ماوە و پێکانە یەک لەدوای یەکەکانیش قەیرانێکی دیکەی تیمەکەی میکێل ئارتێتان. لە هێڵی ناوەندیش چاوەڕوان دەکرێت تۆماس پارتی یانەکە جێبهێڵێت، هەربۆیە بۆ شوێنگرتنەوەی ئەستێرە ئەفریقیەکە بیری لە بژاردەکانی هێنانی زوبیمێندی و گیامارایش کردووەتەوە.