هاری کەین ژمارە پێوانەییەکی نوێ لە چامپیۆنزلیگ تۆمار دەکات
یاریگا –
هاری کەین لە نووسینەوەی مێژوو بەردەوامە و دوو ژمارە پێوانەیی نوێی لە چامپیۆنزلیگ تۆمارکرد.
شەوی رابردوو لە یاریی گەڕانەوەی قۆناخی شازدەی چامپیۆنزلیگ، بایرن میونشن لە یاریگای بای ئارێنا بووە میوانی بایەر لیڤەرلکوزن و باڤارییەکان بۆ قۆناخی چارەکی کۆتایی پاڵەوانێتییەکە سەرکەوتن.
بایرن میونشن لە یاریی چوون لە یاریگای خۆی 3-0 یارییەکەی بردبووەوە کە هاری کەین دوو گۆڵی کردبوو. لە یاریی گەڕانەوەش 2-0 شکستیان بە لیڤەرکوزن هێنا و هێرشبەرە ئینگلیزەکە گۆڵێکی یارییەکەی کرد.
هاری کەین بووە یەکەم یاریزانی ئینگلیزی لە وەرزێکی چامپیۆنزلیگ 10 گۆڵ تۆماربکات. هەروەها دوای دەیڤد بێکهامی ئەستێرەی پێشووی مانچێستەر یونایتد و ریال مەدرید، دووەم یاریزانی ئینگلیزییە لە چامپیۆنزلیگ بەشداریی 50 گۆڵی کردووە.
هێرشبەرە 31 ساڵانییەکە لە چامپیۆنزلیگ 55 یاریی کردووە، 39 گۆڵی تۆمارکردووە و 11 گۆڵیشی دروست کردووە.
Should Harry Kane be in the Ballon d’or conversation? 🤔
He has scored more goals across all competitions than any other player in Europe’s top five leagues since he joined Bayern (76) and has been directly involved in 24 goals in 23 UCL appearances for Bayern Munich (18G 6A),… pic.twitter.com/EcDGBwzsRa
— Squawka (@Squawka) March 11, 2025
