یانەیەکی ئەڵمانی دەیەوێت هاوینی داهاتوو ئاردا گولەر بباتە ریزەکانی
یاریگا –
یانەی ئێنتراخت فرانکفۆرتی ئەڵمانی دەیەوێت هاوینی داهاتوو ئاردا گولەر یاریزانی لاوی ریال مەدرید بگوازێتەوە ریزەکانی.
فلۆریان پلێتینبێرگ رۆژنامەنووسی ئەڵمانی ئاشکرایکردووە، یانەی ئێنتراخت فرانکفۆرتی ئەڵمانی لە نزیکەوە چاودێری دۆخی ئاردا گولەر یاریزانی لاوی تورکی دەکات، کە ئێستا ئەو یاریزانە 20 ساڵانە لە ریال مەدرید ئاسوودە نییە و دەرفەتی یاریکردنی بەگوێرەی پێویست پێنادرێت.
🚨🦅 Eintracht Frankfurt are closely monitoring the situation of Arda #Güler. #SGE are aware that the 20-y/o top talent is not entirely satisfied with his playing time at Real Madrid. While nothing is concrete yet, Frankfurt have the Turkish international on their list for the… pic.twitter.com/yLncNJqz7u
— Florian Plettenberg (@Plettigoal) March 8, 2025
پلێتینبێرگ کە پەیامنێری کەناڵی سکای سپۆرتسی ئەڵمانیایە، ئاشکرایکردووە یانە ئەڵمانییەکە ئاردا گولەری خستووەتە نێو لیستی یاریزانە دڵخوازەکانی بۆ ئەوەی هاوینی داهاتوو بە خواستن بیگوازێتەوە یانەکەی، کە پێشتریش ریال مەدرید ئەزموونی سەرکەوتووی لە بەڕێکردنی دانی کارڤاخال و ئەشرەف حەکیمی بۆ یانەکانی بۆندسلیگا هەبووە.
گولەر کە هاوینی رابردوو پەیوەندی بە ریزەکانی ریال مەدریدەوە کرد، لەم وەرزە لە سەرجەم پاڵەوانێتییەکان تەنیا هەزار و 82 خولەک یاریی کردووە و سێ گۆڵی بە درێسی لۆس بلانکۆس کردووە.
