رەنگە مانوێل نۆیەر نەتوانێت لە یاری گەڕانەوەی خولی پاڵەوانەکانی ئەورووپا بەرامبەر لیڤەرکوسن یاری بکات پاش ئەوەی تووشی پێکان هات لە کاتی ئاهەنگگێڕان بۆ یەکێک لە گۆڵەکانی یانەکەی.
نۆیەری 38 ساڵ لەدوای گۆڵەکەی جەمال موسیالا لە کاتی راکردن بۆ دەربڕینی خۆشیی گۆڵەکە خۆی تووشی پێکانی ماسولکە کرد.
بەگوێرەی پشکنینە سەرەتاییەکان چاوەڕواندەکرێت ماوەی مانگێک لە یاریگاکان داببڕێت. بەوەش لە یاری گەڕانەوە و گریمانەی چارەگی کۆتایی دادەبڕێت، ئەمە جگە لە چوار یاری بۆندزلیگا.
بایەرن 3-0 یارییەکەی بردەوە و ئەرکی خۆی بۆ یاری هەفتەی داهاتوو ئاسانکردووە.
