یاریگا –
دوو یاریزانی هەولێر بۆ یاریی بەرامبەر مینا بەردەست نابن و گومانیش دەکرێت سەفین مەنسوڕ بۆ ئەو یارییە بگەڕێتەوە.
بەگوێرەی بەدواداچوونەکانی تۆڕی وەرزشی یاریگا، هەریەکە لە شێرکۆ کەریم و عەباس یاسین بۆ یارییەکەی رۆژی هەینی بەرامبەر مینا ئامادە نابن، گەڕجی عەباس یاسین دەستی بە راهێنانە سەرەتاییەکانی کردووەتەوە، بەڵام هێشتا بەردەست نییە، لەوانەیە عەباس یاسین و شێرکۆ کەریم بۆ یارییەکەی زەوڕا لە گەڕی بیست و چوارەم بگەڕێنەوە.
تۆڕی وەرزشی یاریگا زانیویەتی، گەرچی سەفین مەنسوڕ دەستی بە راهێنانەکانی کردووەتەوە و لە پێکانەکەی چاکبووەتەوە، بەڵام هێشتا بەشداریکردنی لە یارییەکەی مینا مسۆگەر نییە، لە مەشق و راهێنانەکانی سبەی و دووسبەی یەکلا دەبێتەوە سەمیر بابۆ بۆ یارییەکەی هەینی بانگهێشتی دەکات یاخود نا.
ئوسامە رەشید ناوەڕاستکاری هەولێر لە گەشەتەکەی گەڕاوەتەوە و بۆ یارییەکەی مینا ئامادەیە، کە هەفتەی رابردوو بە هۆکاری کەسی خۆی بە گەشتێک لەگەڵ خێزانەکەی گەڕابووەوە پۆرتوگاڵ.
رۆژی هەینی کاتژمێر 08:30ـی شەو، هەولێر لە یاریگای فڕانسۆ هەریری لە گەڕی بیست و سێیەمی خولی ئەستێرەکانی عێراق میوانداریی مینا دەکات.
