هاندەرێکی زاخۆ لە یاریی شەوی رابردووی یانەکەی تووشی جەڵتەی دڵ بوو

یاریگا –

هاندەرێکی زاخۆ لە یاریی شەوی رابردوو بەرامبەر مینا تووشی جەڵتەی دڵ بووە و پێویستی بە نەشتەرگەرییە.

عەلی حاجی بەرپرسی راگەیاندنی یانەی زاخۆ رایگەیاندووە، هاندەرێکی یانەکەیان لە یاریی شەوی رابردوو بەرامبەر مینا تووشی جەڵتەی دڵ بووە و پێویستی بە نەشتەرگەرییە و نەشتەرگەرییەکەشی پێنج ملیۆن دیناری تێدەچێت.

لە یارییەکەی شەوی رابردوو کە زیاتر لە 26 هەزار هاندەر لەناو یاریگا ئامادەبوون و زاخۆ بە گۆڵێکی بێبەرامبەر لە مینای بردەوە، هاندەرێکی زاخۆ بەهەۆی قەرەباڵخی ناو یاریگا، تووشی جەڵتەی دڵ بوو، دوای یارییەکە عەمار فەرهاد سەرۆکی یانەکە لە نەخۆشخانە سەردانی کرد و لە تەندروستی پرسییەوە.

لەم وەرزەی خولی ئەستێرەکانی عێراق زاخۆ خاوەنی زۆرترین هاندەرە لە یارییەکانیدا، بەگوێرەی پێگەی ترانسفێر مارکێت زۆرترین هاندەری ئامادەبوو لەم وەرزە لە یاریگای زاخۆ بوون.