بارسێلۆنا بۆ گەڕانەوەی نێیمار مەرجێکی سەیر و سەمەرە دادەنێت
یاریگا –
بەڕیوبەرانی بارسێلۆنا مەرجێکی تایبەتیان بۆ گەڕانەوەی نێیمار دا سیلڤا ئەستێرەی پێشووی یانەکەیان داناوە.
بارسێلۆنا بە وردی چاودێری دۆخی نێیمار دەکات، ئەگەری گەڕانەوەی بۆ کامپ نۆ، بۆ یاریزانە تەمەن 33 ساڵەکە مشتومڕێکی زۆری لەسەرە. لە مانگی یەکی ئەمساڵدا لە هیلالەوە گەڕایەوە سانتۆس، بەڵام دەگوترێت هەوڵەکان بۆ گەڕانەوەی بۆ بارسێلۆنا بەردەوامن.
لەمبارەیەوە رۆژنامەی سپۆرت بانگەشەی ئەوە دەکات، بارسێلۆنا بە نێیماری راگەیاندووە، بۆ ئەوەی بیر لە گەرانەوەی بۆ ئیسپانیا بکاتەوە، پێویستە لەم وەرزەدا لانی کەم 15 گۆڵ بۆ سانتۆس بکات. گرێبەستەکەی لەگەڵ سانتۆس تەنیا تا مانگی حوزەیرانە. کەتەلۆنیەکان دەیانەوێت نێیمار بیسەلمێنێت کە دەتوانێت بگەڕێتەوە بۆ فۆڕمی پێش تووش بوونی بە پێکان.
❗Barça has informed Neymar: “If you want to come back, first score 15 goals with Santos… Then we will consider signing you.”
Barcelona want to make sure Neymar is fit before they consider signing him.
— @sport pic.twitter.com/8uob7AVTRY
— Barça Universal (@BarcaUniversal) March 3, 2025
نێیمار ساڵی 2015 نازناوی چامپیۆنزلیگی لەگەڵ بارسێلۆنا بەدەستهێنا، بەڵام لە ساڵی 2017 یانەکەی جێهێشت و پەیوەندی بە پاریس سانجێرمانەوە کرد. لەوکاتەوەی نەیتوانیەوە نازناوێکیتری جامپیۆنزلیگ بۆ کاروانی وەرزشی خۆی زیاد بکات، بەڵام ئەگەر بگەڕێتەوە ئەوروپا، رەنگە هەلێکی دیکەی لەگەڵ بارسێلۆنا هەبێت.
