یاریگا –
یانەی نەسڕ بڕیاری کۆتایی لەبارەی گەشتی کریستیانۆ رۆناڵدۆ بۆ ئێران دەدات.
بڕیارە دووشەممە لە یاریی چوونی قۆناخی 16ی چامپیۆنزلیگی ئاسیا، نەسڕ لە تاران رووبەڕووی ئیستیقلال ببێتەوە.
پێشتر یانە سعوودییەکە داوای لە یەکێتیی تۆپی پێی ئاسیا کردبوو، یارییەکە لە یاریگایەکی دەرەوەی ئێران و سعوودیە بکرێت، ئەمەش دوای ئەزموونێکی ناخۆشی یانەکە لە پایتەختی ئێران.
لە سێپتێمبەر/ئەیلوولی ساڵی 2023، نەسڕ بۆ ڕووبەڕووبوونەوەی پێرسپۆلیس گەشتی تارانی کرد و دواتر هەزاران هاندەر هەڵیانکووتایە سەر هۆتێلی مانەوەی رۆناڵدۆ و نەسڕ.
عەبدولعەزیز عسێمی، رۆژنامەنووسی سعوودی بڵاویکردووەتەوە، رۆناڵدۆ لەگەڵ شاندی نەسڕ گەشتی ئێران دەکات.
يُحبّ كرة القدم ..
يعيش كلّ لحظاتها بأقصى درجات الشغف ..ولذلك، هي تكافئُه دائمًا بتخليد اِسمه في تاريخها
قائد نادي #النصر .. كريستيانو رونالدو 💛 pic.twitter.com/D7G7ZakJdf— نادي النصر السعودي (@AlNassrFC) May 27, 2024
پێشتر نەسڕ و ئیستیقلال سێجار رووبەڕووبوونەتەوە، یانە سعوودییەکە دووجار سەرکەوتووە.
