یاریگا –
دەنگۆی گەڕانەوەی لیۆنێل مێسی ئەفسانەی تۆپی پێی ئەرجەنتینی بۆ ریزەكانی بارسێلۆنا بووەتە باسی چەند رۆژی رابردووی رۆژنامەكان.
لیۆ مێسی لە هاوینی ساڵی 2021 لە ریزەكانی بارسێلۆناوە بە گرێبەستێكی ئازاد پەیوەندی بە پاریس سانجێرمانەوە كرد و دواتر پەیوەندی بە خولی ئەمریكیەوە كرد.
گرێبەستەكەی لیۆ لەگەڵ مەیامی لە گواستنەوەكانی ئەمساڵدا بەسەردەچێت.
🚨 𝗕𝗥𝗘𝗔𝗞𝗜𝗡𝗚: Lionel Messi will not return to Barcelona, it’s impossible as long as Joan Laporta is the president.
He’s likely to renew his contract with Inter Miami.
(Source: @GuillemBalague) pic.twitter.com/tNRmvUQbmy
— Transfer News Live (@DeadlineDayLive) March 1, 2025
بە گوێرەی زانیارییەكانی گیلێم بالاگی، رۆژنامەنووسی بەناوبانگی ئیسپانی، لیۆنێل مێسی ناگەڕێتەوە ریزەكانی یانەی بارسێلۆنای ئیسپانی.
بەگوێرەی هەمان سەرچاوە، تاوەكو خوان لاپۆرتا سەرۆكی بارسێلۆنا بێت ئەستەمە لیۆنێل مێسی بگەڕێتەوە یانەكە. چاوەڕوان دەكرێت گرێبەستەكەی لەگەڵ ئینتەر مەیامی نوێ بكاتەوە.
لیۆ لەگەڵ بارسێلۆنا بەشداری لە 778 یاریدا كرد و 672 گۆڵی كرد و 303 گۆڵیشی درووستكرد و 35 نازناویشی بردەوە.
لەوەتەی پەیوەندی بە ئینتەر مەیامی كردووە لیۆ بەشداری لە 42 یاریی كردووە و توانیویەتی 36 گۆڵ بكات و 20 گۆڵیش درووست بكات.
