درۆگبا داوا لە گاڵاتەسەرای دەکات واز لە مۆرینهۆ بهێنن
دیدیە درۆگبا بەرگری لەخۆزێ مۆرینهۆ دەکات و داوا لە گاڵاتەسەرای دەکات واز لە داواکەیان بهێنن کە دەیانەوێت مۆرینهۆ وەکو رەگەزپەرست سزابدرێت.
لەدوای یاری نێوان فینارباهچە و گاڵاتەسەرای، مۆرینهۆ لە کۆنگرەی رۆژنامەوانی دوای یارییەکەدا وتی “یاریزانانی گاڵاتەسەرای وەکو مەیمون لەخۆشیدا هەڵدەبەزینەوە”. لە دوای ئەمە، یانەی بەرامبەر سکاڵایان تۆمارکرد.
درۆگبا ی یاریزانی پێشووی گاڵا، ئەمڕۆ لە پێگەی فەرمی خۆی لەسەر ئەو بابەتە پەیامێکی نارد بۆ یانەکەی پێشوو و تێیدا هاتووە
گاڵاتەسەرای ئازیز،
خۆتان دەزانن چەند شانازی دەکەم بە پۆشینی درێسی زەرد و سوور و چەند گەورەترین یانەی تورکیام خۆشدەوێت. هەموومان دەزانین چەند جۆش و جرۆش و گرژی دروست دەبێت لەکاتی کێبڕکێ دا، خۆشم بەختی ئەوەم هەبووە کە ئەزموونی بکەم.
ئاگاداری توانجەکانم سەبارەت بە خۆزێ مۆرینهۆ. متمانەم پێبکەن کە دەڵێم من 25 ساڵە مۆرینهۆ دەناسم و ئەو هەرگیز رەگەز پەرست نیە. ئێستا و رابردووش بەڵگەن لەسەر ئەوە.
با سەرنجمان لەسەر یاریەکانمان بێت و پشتیوانی شێرەکانمان بین
چۆن دەکرێت باوکی من رەگەزپەرست بێت؟
Dear @GalatasaraySK
You know how proud I was to wear the yellow and red jersey and my love for the most decorated club in Turkey!!
We all know how passionate and heated rivalries can be, and I’ve been lucky enough to experience it.
Ive seen the recent comments about Jose…
— Didier Drogba (@didierdrogba) February 26, 2025
