یاریگا –
یانەی بارسێلۆنای ئیسپانی لە نوێكردنەوەی گرێبەستی ئەستێرە سەرەكیەكانی یانەكەی بەردەوامە و ئەمجارە گرێبەستی ئینیگۆ مارتینێز ئەستێرەی ئیسپانی یانەكەی نوێ دەكاتەوە.
ئینیگۆ مارتینێز لە هاوینی ساڵی 2023 بە گرێبەستێكی ئازاد لە ریزەكانی ئاتلێتیك بیلباوەوە پەیوەندی بە بارسێلۆناوە كرد و گرێبەستەكەی لەگەڵ یانە كەتەلۆنییەكە لە هاوینی ئەمساڵدا بەسەردەچێت.
✅🔵🔴 Iñigo Martínez and Barcelona, new deal until June 2026 agreed in January and set to be sealed soon.
Confirmed. 🤝🏻 https://t.co/meCi4TuUtS
— Fabrizio Romano (@FabrizioRomano) February 22, 2025
بە گوێرەی زانیارییەكانی فابریزیۆ رۆمانۆ، بارسێلۆنا و ئینیگۆ مارتینێز لەسەر نوێكدنەوەی گرێبەستی یاریزانەكە تاوەكو 2026 رێككەوتوون و چاوەڕوان دەكرێت بەمزووانە نوێكردنەوەی گرێبەستەكەی رابگەیەندرێت.
ئینیگۆ بە یاریزانێكی سەرەكی نێو پلانەكانی هانزی فلیكی ئەڵمانی دادەنرێت و لەم وەرزەدا رۆڵێكی گرنگی لە بردنەوەكانی یانە كەتەلۆنییەكەدا هەیە.
لەم وەرزەدا ئینیگۆ بەشداری لە 30 یارییدا كردووە و توانیویەتی دوو گۆڵ بكات و چوار گۆڵیش درووست بكات.
