یاریگا –
مەڕوان میرزا یاریزانی لاوی کورد کە لە یانەی بۆڕووسیا دۆرتموندی ئەڵمانی یاریی دەکات، یەکەم گۆڵی بە درێسی هەڵبژاردەی ئەڵمانیا کرد.
مەڕوان میرزا یاریزانی لاوی کورد بۆیەکەمجار بانگهێشتی هەڵبژاردەی ژێر 16 ساڵانی ئەڵمانیا کرا و لە یاریی بەرامبەر پۆرتوگاڵ یەکەم گۆڵی خۆی بە درێسی مانشافت کرد، کە ئەم مانگە بۆیەکەمجار بانگهێشتی هەڵبژاردەکە کرا و بەرامبەر ژاپۆن و هۆڵەندا و پۆرتوگاڵ یاریی کرد.
مەڕوان میرزا کە 1ـی یۆلیۆ/تەممووزی 2009 لە ئەڵمانیا لە ماڵباتێکی کوردی باشووری کوردستان لەدایکبووە، ئەو یاریزانە 15 ساڵانە لە بۆڕووسیا دۆرتموند دەستی بە یاریی کردووە و ئێستا لەو یانەیە بەردەوامە.
ملخص لمسات الموهوب مروان ميرزا مع ناشئي ألمانيا أمام البرتغال في مباراة ودية ، دخل مع بداية الشوط الثاني وقدم أداءً مميزًا حيث سجّل أول أهدافه الدولية . pic.twitter.com/0AYR9hx2qZ
— حمودي 🇮🇶² . (@Lhmdmd_70) February 18, 2025
مەڕوان میرزا لە هێلی ناوەڕاست یاریی دەکات و لەم وەرزە لە خولی ژێر 17 ساڵانی ئەڵمانیا بەشداریی 6 یاریی کردووە و 2 گۆڵیشی تۆمار کردووە، وەرزی رابردووش لەگەڵ زەردەواڵەکان جامی ئەڵمانیای ژێر 15 ساڵانی بەدەستهێنا، کە کوڕە کوردەکە کاپتنی یانەکەی بوو.
