یاریگا –
ئالێکساندەر ئاڕنۆڵد بوو بە خاوەنی ژمارەیەکی پێوانەیی ناوازە لە مێژووی لیڤەرپوول کاتێک وەک یاریزانی سەرەکی بەرامبەر وۆڵڤز یاریکرد.
ئەمشەو ئاڕنۆنڵد و هاوتیمەکانی لە میانی هەفتەی 25ی پرێمەرلیگ میوانداریی گورکەکانی ئینگلیزیان کرد و توانیان 2-1 شکستیانپێبهێنن.
بە بەشداریکردنی لەو یارییەدا، ئاڕنۆڵد وەک بچووکترین یاریزان لە تەمەنی 26 ساڵی و 132 رۆژیدا ژمارەی یارییەکانی خۆی لەگەڵ رێدز لە پرێمەرلیگ گەیاندە 250 و پێش ستێڤن جێراردی هاونیشتیمانی دایەوە.
پێش ئالێکساندەر، بچووکترین یاریزان گەیشتبێتە ئەو ژمارە لەگەڵ لیڤەر، جێراردی ئەفسانەی یانەکەبوو لە زستانی ساڵی 2006 لە تەمەنی 26 ساڵ و 200 رۆژیدا.
250 – Trent Alexander-Arnold is making his 250th Premier League appearance today; aged 26 years and 132 days, he is the youngest player to reach that figure for Liverpool in the competition, surpassing Steven Gerrard’s record in December 2006 (26y 200d). Icon. pic.twitter.com/NO5gcPkHFM
— OptaJoe (@OptaJoe) February 16, 2025
ئاڕنۆڵد کە هاوینی داهاتوو گرێبەستەکەی لەگەڵ لیڤەرپوول بەسەردەچێت، لە گواستنەوەکانی زستانەدا نزیکبوو لەوەی بگوازرێتەوە بۆ ریال مەدرید. بەڵام سەرەنجام لە ئانفیڵد مایەوە و چاوەڕێی پێشهاتەکان دەکات تا مێرکاتۆی هاوینە.
