یاریگا –
هانزی فلیک لەبارەی قسەکانی بێلینگهام بەرامبەر ناوبژیوانی یارییەکەی ئۆساسۆنا و ریال مەدرید بۆچوونی خۆی ئاشکرا دەکات.
هانزی فلیک راهێنەری بارسێلۆنا لەبارەی هۆکاری کارتە سوورەکەی جود بێڵینگهام بەرامبەر ئۆساسۆنا دەڵێت :’دەستەواژەکانی ‘fuck you’ و ‘fuck off’ بێ رێزییە بەڵام من پەیوەندیم بەم بابەتەوە نییە، گرنگی بەمە نادەم، من قسەی خۆم لەبارەی ئەم دەستەواژەیە کرد، بۆیە هیچ ناڵێم لەبارەی ئەوەی ئەم دەستەواژەیە شایستەی ئەوەی یاریزانی لەسەر بکرێتە دەرەوە یان نا’.
🎙️ Hansi Flick:
🤔 ¿Que cuál es la diferencia entre ‘fuck you’ y ‘fuck off’?
❌ “Es una falta de respeto en cualquier situación”
💬 “¿Por qué perder el tiempo en esto?”
🤾 “Deberíamos aprender del balonmano” pic.twitter.com/42sTZlb6JD
— Mundo Deportivo (@mundodeportivo) February 16, 2025
راهێنەرەکەی بارسێلۆنا دەشڵێت :’من هەمیشە بە یاریزانەکانم دەڵێم بۆچی وزەی خۆتان لە مشتومڕکردن لەگەڵ ناوبژیوان بەفیڕۆ دەدەن، تەنیا یەک کەس رێگای پێدراوە لەناو یاریگا لەگەڵ ناوبژیوان قسە بکات ئەویش کاپتنە، پێویستە ناکات دوای ئەوەی ناوبژیوان بڕیاری خۆیدا یاریزان مشتومڕی لەگەڵ بکات’.
هەروەها دەشڵێت :’من زۆر بە یاریی تۆپی دەست سەرسامم، کاتێک ناوبژیوان فیکە لێدەدات، یەکسەر هەموو یاریزانەکان تۆپەکە لەسەر زەوی بەجێدەهێڵن و هیچ ناڵێن، پێویستە ئێمە لەم وەرزشەوە فێربین’.
