ئیسپانیاگرنگترین

سبەی ریال مەدرید سەردانی فیدراسیۆنی تۆپی پێی ئیسپانیا دەکات و مەدریدییەکان دەپرسن: بۆچی؟

ریال مەدرید تانە لە کارتە سوورەکەی بێڵینگهام دەدات

Yariga App

یاریگا –

دوای یارییەکەی ئۆساسۆنا لەنێو ماڵی ریال مەدرید ناڕەزایەتییەکان لەدژی ناوبژیوانانی لالیگا تا دێت زیاتر دەبن، سبەی شاندی یانە مەدریدییەکە سەردانی فیدراسیۆنی تۆپی پێی ئیسپانیا دەکات و دەپرسن ‘ بۆچی سەرجەم ناوبژیوانانی لالیگا دژایەتیمان دەکەن؟’.

تۆڕی وەرزشی ریلیڤۆی ئیسپانی لە راپۆرتێکیدا ئاشکرایکردووە، لەنێو ماڵی مەدرید زۆر تووڕەن و بڕوایان وایە ساڵانێکی زۆرە ئەوەی لەدژی یانەکە دەکرێت لە لالیگا نەکراوە، شایانەکان بڕوایان وایە تاکە بەربەست لە بەردەمیان بۆ بەدەستهێنانی نازناوی ئەم وەرزەی لالیگا ناوبژیوانانی خولەکەن.

ریلیڤۆ راشیگەیاندووە، سبەی دووشەممە شاندێکی یانەی ریال مەدرید سەردانی فیدراسیۆنی تۆپی پێی ئیسپانیا دەکات و دەچێتە بارەگای دەستەی ناوبژیوانان بۆ ئەوەی گوێ لە تۆمارە دەنگییەکانی یارییەکەی ئیسپانیۆل بگرن، وادیارە یانە مەدریدییەکە سوورن لەسەر ئەوەی سنوورێک بۆ ستەمەکانی ناوبژیوانان دابنێن، دەیانەوێت بپرسن بۆچی ناوبژیوانان دژایەتییان دەکەن.

رۆژنامەی مارکای ئیسپانی ئاشکرایکردووە، ریال مەدرید هەرزوو بڕیاریداوە تانە لە کارتە سوورەکەی جود بێڵینگهام بدات، بڕوایان وایە ناوبژیوانەکە لە راپۆرتی یارییەکە چەواشەکاریی کردووە و بێڵینگهام ئەو قسانەی نەکردووە کە ئەو لە راپۆرتەکەی ئاماژەی پێکردووە.

رۆژنامەی ئاسی ئیسپانی لە ژمارەی ئەمڕۆی یەکشەممەیدا ئاشکرایکردووە، ئەگەر تۆمەتەکان بەسەر بێڵینگهامدا ساخ ببنەوە و قسەکانی ناوبژیوانی یارییەکە راست بێت، ئەوا بێڵینگهام بۆ 12 یاری سڕ دەکرێت، بەڵام ئەگەر قسەکانی نەسەلمێنرێت یارییەک بۆ دوو یاریی سڕ دەکرێت.

Image

رۆژنامەی ئاس راشیگەیاندووە، دوای یارییەکەی ئۆساسۆنا زۆربەی یاریزانانی ریال مەدرید زۆرترین جار وشەی ‘بۆچی’ـیان بەکارهێناوە، هەموویان دەپرسنی بۆچی ناوبژیوانان وادەکەن، بێڵینگهام و تەواوی یاریزانەکانی دیکەی ریال مەدرید بڕوایان وایە ‘ناوبژیوانان فێڵیان لێدەکەن’.

خۆسیێ سانچێز رۆژنامەنووسی ئیسپانی ئاشکرایکردووە، ناوبژیوان لە یارییەکەی ئۆساسۆنا چوار لێدانی سزای بۆ ریال مەدرید هەژمار نەکرد و کارتە سوورەکەی بێڵینگهامیش زۆر پێکەنیناوی بوو.

بابەتی زیاتر

Back to top button