یاریگا –
ئەمڕۆ لە یارییەكی دیكەی هەفتەی 25ی پرێمەرلیگ لیڤەرپوول میوانداری وۆڵڤز دەكات.
وابڕیارە ئەمڕۆ یەكشەممە كاتژمێر 17:00 بەكاتی كوردستان لیڤەرپوول لە یاریگای ئانفیڵدی تایبەت بە خۆی میوانداری وۆڵڤز بكات، لە میانی یارییەكانی هەفتەی 25ی پرێمەرلیگ.
پڕۆفایلی یاری
لیڤەرپوولە تۆقێنەرەكەی ئارنە سڵۆت لەم وەرزەدا بە بەهێزی دەستیانپێكردووە و پاڵێوراوێكی سەرەكی بردنەوەی نازناوەكانە.
یاریی رابردوو و لە دێربی مێرسیسایددا لە كۆتا خولەكەكان لەلایەن ئێڤەرتنەوە گۆڵی یەكسانیان لێكرا و دوو خاڵی گرنگیان لەدەستدا.
لیڤەرپوول لەم وەرزەدا لە 24 هەفتەی پرێمەرلیگ توانیویانە 17 یاریی ببەنەوە و 6 یاریی یەكسان بن و یارییەكیش بدۆڕێن.
بە كۆكردنەوەی 57 خاڵ پێشەنگی ریزبەندی پرێمەرلیگیان گرتووە.
لە بەرامبەردا وۆڵڤز لە ناوچەی دابەزین نزیكن و لە 24 یارییدا پێنج یارییان بردووەتەوە چوار یاریی یەكسان بووە و 15 یارییش دۆڕاوە.
بە كۆكردنەوەی 19 خاڵ لە ریزبەندی 17 پرێمەرلیگ دێن.
هەواڵی پێكانی یاریزانەكان
لیڤەرپوول بە بێ كورتیس جۆنس، كۆدی خاكپۆ و جۆ گۆمێز رووبەرووی وۆڵڤز دەبێتەوە.
لە بەرامبەردا وۆڵڤز بە بێ ستراند لارسن، هوانگ، مۆسكێرا، ئینسۆ و ساسا كالادزیچ رووبەرووی لیڤەر دەبێتەوە.
پێکهاتەی پێشبینیکراوی لیڤەرپوول
ئالیسن
ئارنۆڵد، كۆناتێ، ڤان دایك، سیمیكاس
گراڤنبێرخ، ماك ئالیستەر
سەڵاح، سۆبۆسلای، دیاز
نونێز
پێکهاتەی پێشبینیکراوی وۆڵڤز
سا
سێمیدۆ، بوینۆ، دۆهێرتی، ئایت نوری
بێلیگارد، ئاندرێ، گویدیش، گۆمێس
سارابیا ، كونها
