راهێنەری سێڤییا گلەیی لە ئاستی ناوبژیوانی یارییەکەی بارسێلۆنا هەیە

یاریگا –

فشاری سەر ناوبژیوانانی لالیگا بەردەوامە و ئەمجارە راهێنەری سێڤییا گلەیی هەیە.

سێڤییا یاریی شەوی رابردووی بەرامبەر بارسێلۆنا 1-4 دۆڕاند و ئەمەش بارسای زیاتر لە پێشەنگایەتی خوولەکە نزیککردەوە.

گارسیا پیمێنتا، راهێنەری سێڤییا لەدوای یارییەکە، رەخنەی لە ناوبژیوانی یارییەکە گرت و پێی وایە، لێدانێکی سزای راستەقینەیان بۆ هەژمارنەکراوە.

پیمێنتا لە دوای یارییەکە روونیکردەوە

پێموایە بەر لە گۆڵەکەی رافینیا، شایەنی وەرگرتنی لێدانێکی سزابووین، کاتێک کۆندێ هەڵەیەکی زەقیکرد و رووداوەکە زۆر روونبوو. ئەگەر لێدانی سزامان بۆ هەژمارکرابایە، ئەنجامەکە دەبووە 2-2 و دەمانتوانی بگەڕێینەوە کەشی یارییەکە.

کەناڵی ریال مەدرید: دەبێ ئیتر رووبەڕووی ناوبژیوانان ببینەوە و واز لە یانەکان بهێنین

بارسا بەبردنەوەی ئەم یارییە، خاڵەکانی بۆ 48 بەرزکردەوە و هەر لەپلەی سێیەمی ریزبەندی مایەوە، بەجیاوازی خاڵێک لەگەڵ ئاتلێتیکۆ و دوو خاڵ لەگەڵ ریال مەدریدی پێشەنگ.

بارسا لە گەڕی 24ی لالیگا، دووشەممەی داهاتوو لە مۆنجویک میوانداری رایۆ ڤاییکانۆ دەکات.