یاریگا –
كارلۆ ئانچێلۆتی، راهێنەری ئیتاڵی یانەی ریال مەدریدی ئیسپانی لە ئاستی ناوبژیوانی دێربی مەدرید ناڕازی بووە.
شەوی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ئاتلێتیكۆ مەدریدی كرد و یارییەكەش بە ئەنجامی گۆڵێک بۆ هەردوولا یەكسان بوو، لە میانی یارییەكانی گەڕی 23ی لالیگای ئیسپانیا.
گۆڵەكەی ئاتلێتیكۆ مەدرید لەلایەن خولیان ئالڤارێز لە خولەكی35 بە لێدانی سزا كردی و كیلیان ئێمباپێ لە خولەكی 50 گۆڵی یەكسان بوونی مەدریدی كردەوە.
🏁 @RealMadrid 1-1 @Atleti
⚽ 35′ Julián Alvarez (p)
⚽ 50′ @KMbappe
👉 @Emirates pic.twitter.com/4IQvhPFgKO— Real Madrid C.F. (@realmadrid) February 8, 2025
لە دوای یارییەكە كارلۆ ئانچێلۆتی گوتی:
لێدانی سزا؟ پرسیاری داهاتوو تكایە، نامەوێت باسی ناوبژیوان بكەم.
لێدانە سزاكە رێڕەوی یارییەكەی گۆڕی، پێش لێدانی سزا و دوای لێدانەكە شتەكان جیاوازییان هەبوو.
گێمی دووەم ئاستێكی باشمان پێشكەشكرد، بەڵام گێمی یەكەم خاو بووین، بە ئاستمان دڵخۆشین، ئاستێكی باشمان پێشكەشكرد و هێشتا لە پێشەنگی ریزبەندین.
ئامانجمان ئەوەیە پلانێكی گونجاو بۆ یاریی سیتی دابنێین، هیچ هەلێك نەدەین بە دەستەوە و ئاستێكی باش پێشكەش بكەین.
ئاسێنسیۆ و چوامینی ئاستێكی بەرزیان پێشكەشكرد.
رۆژی سێشەممەی داهاتوو مانچێستەر سیتی لە یاریگای خۆیدا میوانداری ریال مەدرید دەكات، لە میانی یارییەكانی پاشكۆی چامپیۆنزلیگ.
